ပꩧမပတိၿ်ၿတႃဝိမႃၼဝတ်ထု၊ ၼၢင်းၽီ ႁေႃမွၵ်ႇ
11-ပꩧမပတိၿ်ၿတႃဝိမႃၼဝတ်ထု၊ ၼၢင်းၽီ ႁေႃမွၵ်ႇ
မႄးထတ်း- 93။ ၼၢင်းၽီ (ၼင်ႇႁိုဝ်မႂ်းၼၢင်း တေမူၼ်ႈသိူဝ်းၸႂ်ၼၼ်ႉ) ၵွၼ်ႇ၊ ၼူၵ်ႉယုင်း၊ ၼူၵ်ႉႁၢင်းသႃႇ ၼူၵ်ႉတွင်ႉလေႃးသဵင်ဝၢၼ် ၸိူဝ်းဢၼ်မီးၽုင်းတၼ်းၶူဝ်းၽီၶဝ်ၼၼ်ႉ မိၼ်ၵႂႃႇမိၼ်ၶိုၼ်း ၼိူဝ်ၵၢင်ႁၢဝ် ယူႇယဝ်ႉ။ ႁေႃဝိမၢၼ်ႇ ဢၼ်ဢဝ်မွၵ်ႇႁၢင်ႈလီ သီၵူႈပိူင်ပိူင် ႁၢင်ႈၶိူင်ႈဝႆႉလီမူၼ်ႈသိူဝ်းၼၼ်ႉ တင်းၶုၼ် ၽီၼၢင်းၽီၶဝ်သေ ၶႅမ်ႉလႅပ်ႈၵိုင်ႇငၢမ်ႇၵၼ်တႄႉယဝ်ႉ။
- 94။ ၼၢင်းၽီ ဢူၽုင်းယႂ်ႇ... မႂ်းၼၢင်းၼႆႉ ဢဝ်ၽုင်းတၼ်းၶူဝ်း ၵူႈပိူင်ပိူင် ၽၢၼ်ႇပဵၼ်သေ ယူႇသဝ်းၼႂ်းႁေႃဝိမၢၼ်ႇၼႆႉယဝ်ႉ။ ၼၢင်းၽီဢွၼ်ႇၸိူဝ်းၼႆႉၵေႃႈ ဢွၼ်ၵၼ်ယူႇသဝ်း ဢုမ်ႇလွမ်ႉမႂ်းၵူႈ ပႃႈၵူႈၽၢႆႇသေ ၵႃႈၵေႃႈဢွၼ်ၵၼ်ၵႃႈ ႁဵတ်းၵႂၢမ်းၵေႃႈ ဢွၼ်ၵၼ်ႁဵတ်းသေ ပၼ်ပဵၼ်တၢင်းသိူဝ်းၸႂ် ယူႇယဝ်ႉ။
- 95။ ၼၢင်းၽီ မႂ်းၼၢင်းၼႆႉ မီးဢူၽုင်းၽီ တဵမ်ထူၼ်ႈလီငၢမ်းတႄႉယဝ်ႉ။ မိူဝ်ႈပဵၼ်ၵူၼ်းၼၼ်ႉ မႂ်းၼၢင်းလႆႈႁဵတ်း ၵုသူဝ်ႇသင်မႃးၼေႃး။ ၵွပ်ႈပိူဝ်ႈ ၵုသူဝ်ႇဢၼ်လႂ်သေ မီးဢူၽုင်းႁိူဝ်ႈႁိူင်းၼင်ႇၼႆၼေႃး။ ၵွပ်ႈပိူဝ်ႈ ၵုသူဝ်ႇသင်သေ ငဝ်းတူဝ်မႂ်းၼၢင်း ႁိူဝ်ႈႁႅင်းလႅင်းၸွတ်ႇၵႂႃႇ ၵူႈပႃႈၵူႈၽၢႆႇၼေႃး။
- 96။ ၵွပ်ႈပိူဝ်ႈ ၸဝ်ႈမွၵ်ႉၵလၢၼ်ႇထၢမ်လွင်ႈတၢင်းမၼ်းလႄႈ ၼၢင်းၽီၵေႃႈ ႁူမ်ႁူမ်ၸူမ်းၸူမ်း ၸင်ႇၶိုၼ်းတွပ်ႇလၢတ်ႈၼႄ လွင်ႈတၢင်းမၼ်းၵႂႃႇ ၸွမ်းၼင်ႇၶေႃႈထၢမ်ၼၼ်ႉယဝ်ႉ။
- 97။ မိူဝ်ႈပဵၼ်ၵူၼ်းၼၼ်ႉ ၼႃႈၵၢၼ် ဢၼ်လူဝ်ႇလႆႈလုမ်းလႃးၼိူဝ် ၸဝ်ႈၽူဝ်ၼၼ်ႉ ၶႃႈၼၢင်း ၶိုင်ပွင်ႁႂ်ႈတဵမ်ထူၼ်ႈမႃးယဝ်ႉ။ ဢမ်ႇမီးၸႂ် လေႃလႄလူၺ်ႈ ၵူၼ်းၸၢႆးတၢင်ႇၵေႃႉ။ (ပႂ်ႉပႃးလုမ်းလႃးၸဝ်ႈၽူဝ်) မိူၼ်ၼင်ႇ မႄႈပႂ်ႉပႃးလုမ်းလႃး လုၵ်ႈၸၢႆးမၼ်းတႃႇသေႇၼၼ်ႉယဝ်ႉ။ ပိၵ်ႉသမ်ႉ ၶႃႈၼၢင်းဢွၵ်ႇၸႂ်တေႃး သသေတ ဢမ်ႇလၢတ်ႈၵႂၢမ်းႁုၵ်းႁၢႆႉ။
- 98။ ပွႆႇၽႃႈပႅတ်ႈ လွင်ႈလၢတ်ႈပႅတ်ႉလႅၼ်သေ ၸုၵ်းယၼ်မၼ်ႈ လွင်ႈလၢတ်ႈၵႂၢမ်းမၢၼ်ႇမႅၼ်ႈ ၸိုဝ်ႈၸႂ်ႈၼၼ်ႉယဝ်ႉ။ မူၼ်ႈသိူဝ်းလူၺ်ႈ လွင်ႈလူႇတၢၼ်းယဝ်ႉ။ ၵႆႉမေႃ ႁွပ်ႇႁွင်ႈယုၵ်ႉယွင်ႈၸွႆႈထႅမ် ပိူၼ်ႈယဝ်ႉ။ မီးၼမ်ႉၸႂ် ၽိူၵ်ႇၸိုၼ်ႈၶၢဝ်သႂ်သေ ယၢမ်ႈလူႇတၢၼ်း ၶဝ်ႈသွမ်း၊ ၼမ်ႉၵတ်း ၼမ်ႉဝၢၼ် တင်းၼမ်ယဝ်ႉ။
- 99။ ယွၼ်ႉပိူဝ်ႈ ၵုသူဝ်ႇၼႃးမုၼ်ဢၼ်ၼၼ်ႉသေ ၶႃႈၼၢင်းၸင်ႇမႃးမီး ငဝ်းတူဝ်ႁိူဝ်ႈလႅင်းပိူင်း ၼင်ႇၼႆယဝ်ႉ။ ၵွပ်ႈပိူဝ်ႈ ၵုသူဝ်ႇဢၼ်ၼၼ်ႉလႄႈ တမ်ႈတီႈၼႆႈ ၶႃႈၼၢင်းၸင်ႇလႆႈပူၺ်ႈလီ(ၸီးၸိမ်ႇ) တင်းသဵင်ႈ ဢၼ်ပဵင်းဢူၵ်းပဵင်းၸႂ်ၼၼ်ႉယဝ်ႉ။
- 100။ ၸဝ်ႈရႁၢၼ်း ၽူႈမီးၽုင်းယႂ်ႇတီႈၶႃႈ... ၶႃႈၼၢင်းတွပ်ႇလၢတ်ႈပၼ်ၸဝ်ႈႁဝ်း ၼင်ႇၼႆဢေႃႈ။ မိူဝ်ႈပဵၼ်ၵူၼ်းၼၼ်ႉ ၵွပ်ႈပိူဝ်ႈ လႆႈႁဵတ်းၵၢၼ်တၢင်းလီ (တႃႇၼ သီႇလ...) ၸိူဝ်းၼၼ်ႉဢေႃႈ။ ၵွပ်ႈၵုသူဝ်ႇၼၼ်ႉသေ ႁိူဝ်ႈႁိူင်းပိူင်းသႂ်ၵႂႃႇ ၵူႈပႃႈၵူႈၽၢႆႇၶႃႈဢေႃႈ... (လၢတ်ႈၵႂႃႇၼင်ႇၼႆယဝ်ႉ)။
ပꩧမပတိၿ်ၿတႃဝိမႃၼဝတ်ထု ႁူဝ်သိပ်းဢဵတ်း သုတ်းယဝ်ႉ။
ၽိုၼ်ဢိင်
မႄးထတ်း- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ဢိၻ်ꩪိဝိမႃၼ၊ ပီၻဝၷ်ၷ၊ ပꩧမၻိပ်ပဝိမႃၼဝတ်ထု