ပႃရိၸ်ꧡတ်တၵဝိမႃၼဝတ်ထု၊ ၼၢင်းၽီ လႆႈလူႇမွၵ်ႇ တီႈၽြႃး
10. ပႃရိၸ်ꧡတ်တၵဝိမႃၼဝတ်ထု၊ ၼၢင်းၽီ လႆႈလူႇမွၵ်ႇ တီႈၽြႃး
မႄးထတ်း- 680။ ၼၢင်းၽီ မႂ်းၼၢင်း သွႆႉမွၵ်ႇၽီ ႁွင်ႉၵႂၢမ်းမူၼ်ႈမူၼ်ႈသိူဝ်းသိူဝ်း တႂ်ႈတူၼ်ႈမွၵ်ႇတွင်းၽီ ဢၼ်ႁိၵ်ႈၸိုဝ်ႈ ဝႃႈ ပႃႇရိတ်ႉသတ်ႉတၵ ဢၼ်ၸၢင်ႈႁဵတ်းႁႂ်ႈ ၸႂ်မူၼ်ႈသိူဝ်းၼၼ်ႉယူႇယဝ်ႉ။
- 681။ ၽွင်းမိူဝ်ႈ မႂ်းၼၢင်းၵႃႈယူႇၼၼ်ႉ တမ်ႈတီႈ ၸွမ်းတူဝ်ၶိင်းမႂ်း ပွတ်းလႂ်ပွတ်းၼၼ်ႉ ဢွၵ်ႇမႃး သဵင်ႁႆႇတိုင်ႈ ၽီ ဢၼ်လီထွမ်ႇလီငိၼ်း ၵူႈၵမ်း ဢၼ်ႁဵတ်းႁႂ်ႈ ၸႂ်မူၼ်ႈသိူဝ်းၼၼ်ႉယူႇယဝ်ႉ။
- 682။ ၽွင်းမိူဝ်ႈ မႂ်းၼၢင်းၵႃႈယူႇၼၼ်ႉ တမ်ႈတီႈ ၸွမ်းတူဝ်ၶိင်းမႂ်း ပွတ်းလႂ်ပွတ်းၼၼ်ႉ ဢွၵ်ႇမႃး ဢၢႆသႅဝ်ႁွမ် ၽီ ဢၼ်လီၼူမ်လီသုတ်ႇ ၵူႈၵမ်း ဢၼ်ႁဵတ်းႁႂ်ႈ ၸႂ်မူၼ်ႈသိူဝ်းၼၼ်ႉယူႇယဝ်ႉ။
- 683။ ၼၢင်းၽီ ၽွင်းမိူဝ်ႈမႂ်းၼၢင်း ၵႃႈသေ ပၼ်ႇတူဝ်မႂ်းၸိုင် သဵင်ဢၼ်မေႃးမႃး တမ်ႈတီႈ ဢၼ်ႁၢင်ႈၶိူင်ႈ ၶူၼ်ႁူဝ်မႂ်းၼၢင်းၼၼ်ႉ လႆႈငိၼ်း မိူၼ်ၼင်ႇ သဵင်တူႇရိယႃႇ ဢၼ်မီးဢင်ႇၵႃႇႁႃႈပိူင် တဵမ်ထူၼ်ႈၼၼ်ႉယူႇယဝ်ႉ။
- 684။ ၽွင်းမိူဝ်ႈ လူမ်းယဵၼ်ထွင်းပဝ်ႇမႃးသေ မိူဝ်ႈမွၵ်ႇႁူဝ်မႂ်းၼၢင်း ၵိူင်းဝႆၵႂႃႇၼၼ်ႉ လႆႈငိၼ်းမိူၼ်ၼင်ႇ သဵင်တူႇရိယႃႇ ဢၼ်မီးဢင်ႇၵႃႇႁႃႈပိူင် တဵမ်ထူၼ်ႈၼၼ်ႉယူႇယဝ်ႉ။
- 685။ ဢၢႆသႅဝ်မွၵ်ႇ ဢၼ်ဢွၵ်ႇမႃး တီႈႁူဝ်မႂ်းၼၢင်း ဢၼ်မီးသႅဝ်ႁွမ်ႁူၺ်း ဢၼ်ႁဵတ်းႁႂ်ႈၸႂ်မူၼ်ႈသိူဝ်းၼၼ်ႉ မိူၼ်ၼင်ႇမွၵ်ႇၽီမႆႇၸူႇသၵ ဢၼ်ႁွမ်ၵႂႃႇ ၵူႈပႃႈၵူႈၽၢႆႇၼၼ်ႉယဝ်ႉ။
- 686။ ၼၢင်းၽီ မႂ်းၼၢင်းၼႆႉ ၵူၺ်းလႆႈသုတ်ႇၼူမ် မွၵ်ႇဢၼ်ႁွမ်ႁူၺ်းၸိူဝ်းၼၼ်ႉယူႇၵူၺ်းယဝ်ႉ။ ၵူၺ်းလႆႈ ႁၼ် ႁၢင်ႈၽၢင်ၽီ ဢၼ်ႁၢင်ႈလီၸိူဝ်းၼၼ်ႉၵူၺ်းယဝ်ႉ။ ၽွၼ်းလီၸိူဝ်းၼႆႉ ပဵၼ်ၽွၼ်းလီ ၵၢမ်ႇၵုသူဝ်ႇဢၼ်လႂ်ၼေႃး။ ၵဝ်ထၢမ်မႂ်းယူႇယဝ်ႉ။ တွပ်ႇပၼ်လႄႈ (ၼႆ ၸဝ်ႈမွၵ်ႇၵလၢၼ်ႇ ထၢမ်ၵႂႃႇယဝ်ႉ)။
- 687။ ၶႃႈၼၢင်း လႆႈမွၵ်ႇသေႃးၵ ဢၼ်မီးသီႁိူဝ်ႈလႅင်း ဢၼ်မီးဢၢႆႁွမ်ႁူၺ်းၼၼ်ႉ လူႇတၢၼ်းပၼ် တမ်ႈတီႈ ၽြႃးပဵၼ်ၸဝ်ႈ တီႈၶႃႈဢေႃႈ။
- 688။ ၵွပ်ႈပိူဝ်ႈ ၶႃႈၼၢင်း လႆႈႁဵတ်းၵၢမ်ႇၵုသူဝ်ႇ ဢၼ်မုၼ်ၶမ်းၽြႃး ယွင်ႈယေႃးလႄႈ ၸင်ႇဢမ်ႇမီးလွင်ႈၶီၼႅင်၊ ဢမ်ႇမီး လွင်ႈၸဵပ်းသႅပ်ႇသေ လႆႈမူၼ်ႈသိူဝ်းယူႇယဝ်ႉ တီႈၶႃႈဢေႃႈ (ၼႆ တွပ်ႇလၢတ်ႈပၼ်ၵႂႃႇယဝ်ႉ)။
ပႃရိၸ်ꧡတ်တၵဝိမႃၼဝတ်ထု ႁူဝ်သိပ်း သုတ်းယဝ်ႉ။ ပႃရိၸ်ꧡတ်တၵဝၷ် ႁူဝ်သၢမ် သုတ်းယဝ်ႉ။
ၽိုၼ်ဢိင်
မႄးထတ်း- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ ပႃရိၸ်ꧡတ်တၵဝၷ် ပႃရိၸ်ꧡတ်တၵဝိမႃၼဝတ်ထု၊