ပၢႆးမေႃၽၢႆႇဢၢႆႇထီႇလႄႈ သုၼ်ႇၵၢၼ်ငၢၼ်း

တီႈမိူင်းဢၼ်လွင်ႈႁုၼ်ႈမုၼ်းၶိုၼ်ႈယႂ်ႇ တူၵ်းလိုၼ်းၼၼ်ႉ ၸိူဝ်းပဵၼ်ၵပ်းၵၢႆႇလူၺ်ႈလွင်ႈၵၢၼ်ဢၢႆႇထီႇသေ ၽွင်းတိုၵ်ႉပဵၼ်ဝႃႈ တေႁဵတ်းသင်ဢမ်ႇႁူႉယူႇၼၼ်ႉ တီႈမိူင်းဢၼ်ႁုၼ်ႈမုၼ်းၶိုၼ်ႈယႂ်ႇယဝ်ႉၼၼ်ႉၸမ်ႉ လွၵ်းၵၢတ်ႇဢၢႆႇထီႇၼႆႉ ၶႂ်ႈၸမ်လု ၸမ်လုယူႇယဝ်ႉ။ ယွၼ်ႉပိူဝ်ႈၼၼ်လႄႈ ၽူႈလူင်ႉလႅၼ်ၵတ်ႉၶႅၼ်ႇၶဝ်လႆႈမႆႈၸႂ်ဝႃႈ ၽွင်းၵၢပ်ႈပၢၼ်ဢၢႆႇထီႇၼႆႉ ၵူဝ် ၽူႈလူင်ႉလႅၼ်ႇဢၢႆႇထီႇ လႆႈႁၢႆၵႂႃႇၼႆယဝ်ႉ။ တီႈတႄႉမၼ်း တီႈၵၢပ်ႈပၢၼ်ဢၢႆႇထီႇ ဢၼ်ဝႃႈၼၼ်ႉ တိုၼ်းလူဝ်ႇ ၽူႈလူင်ႉလႅၼ်ႇယူႇတႃႇသေႇယဝ်ႉ။

တူဝ်ယၢင်ႇမၼ်း ပေႃးတူၺ်းတီႈ မိူင်းဢၼ်ႁုၼ်ႈမုၼ်းၶိုၼ်ႈယႂ်ႇယဝ်ႉၼၼ်ႉ မိူၼ်ၼင်ႇၶွမ်ႇပၼီႇလူင် Google လႄႈ Apple ၼႆႉ ၸိုဝ်ႈယႂ်ႇလိုဝ်းလင်တႄႉတႄႉ။ သုၼ်ႇၼႃႈၵၢၼ်တႃငၢၼ်း တွၼ်ႈတႃႇ ၶွမ်ႇပၼီႇလူင်ၼၼ်ႉၵေႃႈ မီးသမ်ႉပေႃးၸွတ်ႇတူဝ်ႈမိူင်းယဝ်ႉ။ တီႈၼႂ်းၵႄႈ လွင်ႈၶႄႉၶဵင် ၶွမ်ႇပၼီႇလူင်ၸိူင်ႉၼၼ်ၼၼ်ႉ ၸိူဝ်းပဵၼ် ၽူႈလူင်ႉလႅၼ်ႇၶဝ်ၵေႃႈ လွင်ႈဝႃႈ မွၵ်ႇၼႃႈၵီႈ ဢၼ်ဝႃႈၼၼ်ႉ မၼ်းၵေႃႈဢမ်ႇလၢၵ်ႇလၢႆးသင်ၼင်ႇၵဝ်ႇ။ ပေႃးၽၢႆႇႁဝ်းၼႄလႆႈ လွင်ႈလူင်ႉလႅၼ်ႁဝ်းတႄႉတႄႉၸင် ႁူႉၵႃႈပိူၼ်ႈတေပၼ်သုၼ်ႇ ပၼ်တိုဝ်ႉတၢင်းယဝ်ႉ။ ၸိူဝ်းပဵၼ် ၽူႈလူင်ႉလႅၼ်ႇ​တ​ႄႉတႄႉၼႆႉ မွၵ်ႇၼႃႈၵီႈတႄႉတႄႉဝႃႈဝႃႈယဝ်ႉ။ဢဝ် ငိုၼ်းလိူၼ်၊ သုၼ်ႇ၊ ငိုၼ်းသူးထႅင်ႈလိူဝ် မဵတ်းသေ ႁွင်ႉဢဝ်ယႆးယွင်ႇယွင်ႇယဝ်ႉ။ လွၵ်းလၢႆးႁဵတ်းသၢင်ႈ လႄႈ ပိူင်တမ်း ၸိူဝ်းပဵၼ်ၶွမ်ႇပၼီႇလိုဝ်းလုမ်ႈၾႃႉၼႆႉ လႅၵ်ႈလၢႆႈၵႂႃႇယဝ်ႉ။ တူဝ်ယၢင်ႇမၼ်း မိူၼ်ၼင်ႇ ၶွမ်ႇပၼီႇလူင် တီႈမိူင်းဢမေႇရိၵၢၼ်ႇၼႆႉ ၶဝ်ၵူၺ်းပၵ်းၼႄဝႆႉ လုမ်းငဝ်ႈၸိုင်ႈၶဝ်တီႈ မိူင်းဢမေႇရိၵၢၼ်ႇသေ ပေႃးၵပ်းၵၢႆႇလူၺ်ႈ ၵၢၼ်ငၢၼ်း ဢၢႆႇထီႇမႃး ဢွၼ်ၵၼ်ၵႂႃႇဢၢပ်ႈၵႂႃႇပိူင်ႈ မိူင်းၼွၵ်ႈႁဵတ်းယဝ်ႉ။ မိူၼ်ၼင်ႇ မိူင်းၶႄႇ လႄႈ မိူင်းဢိၼ်းတီးယႃးၼႆႉ ငဝ်ႈငႃႇဢဵၼ်ႁႅင်းၵူၼ်းမီးၼမ်ၼႃႇလႄႈ တွၼ်ႈတႃႇ မိူင်းဝၼ်းတူၵ်း ၸိူဝ်းႁုၼ်ႈမုၼ်းၶိုၼ်ႈယႂ်ႇၼၼ်ႉ ပဵၼ်တီႈပၵ်းတႃတူၺ်းမႃးယဝ်ႉ။ ၵေႃႈတေႃႈမိူၼ်ၼင်ႇ တီႈၵုၼ်းဢေးသျႃး ၼင်ႇ ဝႅတ်ႉၼမ်း၊ လၢဝ်း၊ ၵမ်ႇပေႃးတီးယႃး ၸိူ်ဝးၼႆႉၵေႃႈ ယွၼ်ႉပိူဝ်ႈ ၸႂ်ႉသင်ႁဵတ်းၼင်ႇ၊ ပၼ်ၵႃႈႁိုဝ် ဢဝ်ၵႃႈၼၼ်ႉ၊ ဢမ်ႇၶိုၼ်းတွပ်ႇ မေႃထွမ်ဢဝ်ၵူၺ်းလႄႈ မိူဝ်းၼႃႈမႃးၼႆႉ တေၸၢင်ႈပဵၼ် လွၵ်းၵၢၼ်ဢၢႆႇထီႇမႃးယူၼႆ ႁၼ်ထိုင်ဝႆႉၸိူင်ႉၼၼ်ယဝ်ႉ။ ယွၼ်ႉပိူဝ်ႈၼၼ်​ႄႈလ ဢၢႆႇထီႇဢၼ်ဝႃႈၼႆႉ တေၸၢင်ႈပဵၼ် တိုဝ်ႉတၢင်းသုၼ်ႇၵၢၼ်ငၢၼ်း ဢၼ်ၸၢင်ႈမႃးၽႅဝ်ႈတီႈႁိူၼ်းတီႈယေးၼၼ်ႉယူႇယဝ်ႉ။

ပေႃးႁိုင်ထႅင်ႈ ႁူဝ်သိပ်းပီဢၼ်ၼိုင်ႈ ၼႂ်းၵႃႈ ၸိူဝ်းပဵၼ်ၵၢၼ် ဢၢႆႇထီႇ ဢၼ်တေၸၢင်ႈႁုၼ်ႈမုၼ်းၶိုၼ်ႈယႂ်ႇမႃးၼၼ်ႉ လူင်ပွင်ၸိုင်ႈဢမေႇရိၵၢၼ်ႇ လႆႈၵူတ်ႇၵဵပ်းဢဝ်တူၺ်း တႃႇ 10 ဢၼ်သေ ပိုၼ်ၽၢဝ်ႇဝႆႉယဝ်ႉ။

Information System Manager

တီႈႁူင်းၵၢၼ် ၶွမ်ႇပၼီႇၼိူင်ႈဢၼ်ၼႆႉ ၵၢၼ်ငၢၼ်း လႄႈ လၢႆးႁဵတ်းၵၢၼ်ၵၢၼ်းၸိူဝ်းၼႆႉ တွၼ်ႈတႃႇဝႆႉပိူင်တၢႆဢၼ်ဝႃႈၼႆႉ တေဢမ်ႇပဵၼ်လႆႈယဝ်ႉ။ လွင်ႈၵပ်းသိုပ်ႇ ပေႃႈလဵင်ႉ တင်း ၵူၼ်းႁဵတ်းၵၢၼ် ၼႆႉ ႁၢမ်ႉဢေႇမႃးသေ ၵူၼ်းႁဵတ်းၵၢၼ်ၼင်ႇၵၼ် ၶိုၼ်းဢုပ်ႉပိူင်ႇၵၼ်ၼႆႉ လႆႈဝႃႈ ပဵၼ်ၵၢပ်ႈပၢၼ်မၼ်းမႃးယဝ်ႉ။ ၽူႈၸတ်းၵၢၼ် မၼ်ႇၼေႇၵျႃႇ IS ဢၼ်ဝႃႈၼႆႉ ပဵၼ်မႃး ၵူၼ်းဢၼ်လႆႈတမ်းဝၢင်းၽႅၼ်ၵၢၼ် ပိူင်လူင် တႃႇၶွမ်ႇပၼီႇၼၼ်ႉယဝ်ႉ။ လႆႈႁူႉပွင်ႇ ၸႅင်ႈလႅင်းၵပ်းၵၢႆႇလူၺ်ႈ ၼႃႈၵၢၼ်ၸဝ်ႈၵဝ်ႇ လီလီ။ တေလႆႈပဵၼ်ၵူၼ်း ဢၼ်လူင်ႉလႅၼ်ႇႁူႉႁၼ်ၼႃႈၵၢၼ်လီလီ။ လိူဝ်သေၼၼ်ႉ တေလႆႈႁူႉပႃး လွင်ႈ Server ၊ Bandwidth ဢၼ်ၶွမ်ႇပၼီႇၸႂ်ႉတိုဝ်းဝႆႉယူႇၼၼ်ႉယဝ်ႉ။ တေလႆႈပဵၼ် ၵူၼ်းဢၼ်မေႃဢဝ် ပၢႆးပႆႇၺႃႇလွင်ႈလွၼ်ႉၶၢဝ်ႇသေ တေႁဵတ်းႁိုဝ်မႃးလေႃးသႂ်ႇ ၼႃႈၵၢၼ်ၸဝ်ႈၵဝ်ႇ ႁႂ်ႈပေႃးမီး ၼမ်ႉတွၼ်းၽွၼ်းလီ ဢၼ်ဝႃႈၼၼ်ႉ မၼ်းတေလႆႈမီး တူဝ်ထူပ်း ဢၼ်ယၢမ်ႈလဵပ်ႈႁဵၼ်းမႃးသေ တေလႆႈဢဝ်မေႃမႃးႁူမ်ႈၵၼ်ယဝ်ႉ တေလႆႈပဵၼ်ၵူၼ်းၸၢင်ႈတႅပ်းတတ်း ၼၼ်ႉယဝ်ႉ။

တီႈမိူင်းၶဝ်တႄႉ ပေႃးဝႃႈပဵၼ်ဢွင်ႈတီႈ တွၼ်ႈတႃႇ ၽူႈၸတ်းၵၢတ် IS ၼၼ်ႉၼႆ ၶဝ်ၵႆႉတိူဝ်းလိူၵ်ႈဢွၼ် ၽူႈဢၼ်ႁပ်ႉလႆႈၶူးဝႆႉ ၸိူဝ်းဢၼ်တိူဝ်းလူင်ႉလႅၼ်ႇသေတၢင်ႇၸိူဝ်းၼၼ်ႉယဝ်ႉ။ တၢမ်တူဝ်းၸဝ်ႈၵဝ်ႇၵေႃႈ တေလႆႈမီးတူဝ်ထူပ်းဝႆႉ။ ပေႃးဝႃႈၸဝ်ႈၵဝ်ႇၵေႃႈ လႆႈႁပ်ႉၸုမ်ႈၶူးဝႆႉ ၸွမ်းၼင်ႇ ၸဝ်ႈၵၢၼ် ၶႂ်ႈလႆႈၼၼ်ႉၸိုင် တေၸၢင်ႈလႆႈၸၼ်ႉထၢၼ်ႈ ဢၼ်မီးတိုဝ်ႉတၢင်းလီၼၼ်ႉယဝ်ႉ။ သင်ၸိူဝ်ႉဝႃႈ တီႈၸဝ်ႈၵဝ်ႇမီးၼမ်ႉၵတ်ႉတၢင်းမေႃ ဢၼ်ၸၢင်ႈႁပ်ႉဢဝ်လႆႈ ပုၼ်ႈၽွၼ်းဢၼ်ယႂ်ႇလႄႈ ၸၢင်ႈၶဝ်ႈဢဝ်လႆႈတီႈယူႇ ဢၼ်ဢမ်ႇၸၢင်ႈၶဝ်ႈလႆႈငၢႆႈငၢႆႈၼၼ်ႉၸိုင် ငိုၼ်းႁူဝ်လိူၼ် ၼိူင်ႈပီၼႆႉ ၸၢင်ႈလႆႈတႄႇဢဝ် တေႃႇလႃႇ 92000 တေႃႈ ၼိူင်ႈသႅၼ်ႈယဝ်ႉ။

Database Administrator

Database Administrator ဢၼ်ဝႃႈၼႆႉ ပဵၼ်ၵူၼ်းၵေႃႉဢၼ်ပၼ်လႆႈ လွင်ႈမၼ်ႈၸႂ် တွၼ်ႈတႃႇ ပၢႆးႁူမ်ႇလူမ်ႈ လႄႈ တွၼ်ႈတႃႇ လွင်ႈဢဝ် လွၼ်ႉၶၢဝ်ႇၵၢၼ်ၵပ်းသိုပ်ႇ ၼႂ်းၵႄႈ ၵူၼ်းသိုဝ်ႉလႄႈ ၵူၼ်းႁဵတ်းၵၢၼ်ၶဝ် ၸႂ်ႉလႆႈၼၼ်ႉယဝ်ႉ။ Administrator ၼိူင်ႈၵေႃႉၼႆႉ ၵွမ်ႉဝႃႈပဵၼ် ၵူၼ်းလူင်းပၢင်သွၼ်ၶွမ်ႇပိဝ်ႇတႃႇသေ လူင်ႉလႅၼ်ႇယဝ်ႉၼႆ ပႆႇလႆႈဝႃႈ တႅမ်ႈထူၼ်ႈ။ ပေႃးပဵၼ်ၵူၼ်းဢၼ် ၵႄႈလိတ်ႈလႆႈ ပၼ်ႁႃ ဢၼ်ပဵၼ်ယူႇယၢမ်းလဵဝ်ၼၼ်ႉၵူၺ်း ၵႆႉထုၵ်ႇလႆႈ ၸၼ်ႉထၢၼ်ႈတႃႇၵၢၼ်ငၢၼ်းဢၼ်ၼၼ်ႉယဝ်ႉ။ ၸိူဝ်းပဵၼ် ပရူဝ်ႇၶႅမ်ႇ ပၢႆးမေႃ လႄႈ လွၼ်ႉၶၢဝ်ႇ ၶေႃႈမုၼ်း ၸိူဝ်းမီးတီႈၼိူဝ် ဢွၼ်ႇလၢႆး ၼၼ်ႉ ဢဝ် database ႁဵတ်းပဵၼ်ပိုၼ်ႉယဝ်ႉ ဢဝ် လွင်ႈတၢင်းလူင်ႉလႅၼ်ႇသေ ၵေႃႇသၢင်ႈဝႆႉလႄႈ တွၼ်ႈတႃႇ administrator ၼိူင်ႈၵေႃႉၼႆႉ တေလႆႈမီးတူဝ်ထူပ်း ဢိၵ်ႇတင်း လိၵ်ႈ ဢၼ်ၵပ်းၵၢႆႇလူၺ်ႈ ပၢႆးမေႃ ဢွၵ်ႇၵမ်းလိုၼ်းၸိူဝ်းၼႆႉၵေႃႈ လူဝ်ႇလႆႈမီးပိုၼ်ႉႁူႉသေ တေလႆႈမီးၼမ်ႉၵတ်ႉ ၵႄႈလိတ်ႈလႆႈၼၼ်ႉယဝ်ႉ။ တေလႆႈမီးဝႆႉ ဝႂ်ၸုမ်ႈၶူးပိုၼ်ႉထၢၼ် ၼိူင်ႈဢၼ်ဢၼ်လႄႈ တေလႆႈမီးဝႂ်းလူင်ႉလႅၼ်ႇ သေဢၼ်ဢၼ်ယဝ်ႉ။ ငိုၼ်းႁူဝ်လိူၼ် တႃႇၼိူင်ႈပီၼႆႉ တေၸၢင်ႈလႆႈ တေႃႇလႃႇ 85000 ပၢႆပၢႆယဝ်ႉ။

Operating System Developer

ၸိူဝ်းပဵၼ် OS Developer ၼၼ်ႉတႄႉ ၵႆႉလႄႇပၼ်ၵၢၼ်တီႈ ႁူင်းၵၢၼ်ၶွမ်ႇပၼီႇလူင် ၸိူဝ်းမီးတီႈၼႂ်း မိူင်းဢမေႇရိၵၢၼ်ႇၼၼ်ႉလႄႈ လႆႈဝႃႈပဵၼ်ဢွင်ႈတီႈၸၼ်ႉထၢၼ်ႈ ဢၼ်ၼၢၼ်းမီးၼၢၼ်းလႆႈၼႆယဝ်ႉ။ Operating System ဢၼ်ဝႃႈၼႆႉ မၼ်းပဵၼ်ၼင်ႇ သၢႆၸႂ်ၶွမ်ႇပိဝ်ႇတႃႇလႄႈ တေလႆႈပဵၼ် ၵူၼ်းဢၼ်ႁူႉလူင်ႉလႅၼ်ႇလူၺ်ႈလွင်ႈ OS ၼၼ်ႉယဝ်ႉ။ ၸိူဝ်းပဵၼ် ႁူင်းၵၢၼ်ၸၢၵ်ႈ ဢၼ်ႁဵတ်းဢွၵ်ႇ ၵဵဝ်ႇလူၺ်ႈ မူဝ်ႇပၢႆးၾူင်း၊ လူတ်ႉၵႃး၊ တိူၵ်ႈၵတ်း လႄႈ ၶိူင်ႈၶူဝ်းဢၢႆႇထီႇတၢင်ႇၸိူဝ်း ၸိူဝ်းၼၼ်ႉၵေႃႈ ယၢမ်းလဵဝ် ပၼ်ၵၢၼ်တႃႇ OS Developer မႃးယဝ်ႉ။ တေလူဝ်ႇလႆႈ မီးဝႆႉ ၸုမ်ႈၶူး ဢၼ်ၵပ်းၵၢႆႇလူၺ်ႈ ပၢႆးပႆႇၺႃႇၽၢႆႇမေႃ သေဢၼ်ဢၼ်ယဝ်ႉ။ လိူဝ်သေၼၼ်ႉဢမ်ႇၵႃး တေလႆႈပဵၼ် ၵူၼ်းလဵပ်ႈႁဵၼ်းဝႆႉယဝ်ႉ ၵဵဝ်ႇလူၺ်ႈလွင်ႈ သဵၼ်ႈတၢင်း သွပ်ႉဝႄးလ် ပလႅတ်ႉၾွင်းဝႆႉ လီလီငၢမ်းငၢမ်းၼၼ်ႉယဝ်ႉ။ ယၢမ်းလဵဝ်တႄႉၵေႃႈ ၵပ်းၵၢႆႇလူၺ်ႈ OS သေ ၼင်ႇႁိုဝ်ပေႃးတေလူင်ႉလႅၼ်ႇမႃးၼႆ မီးပရူဝ်ႇၶႅမ်ႇ ဢၼ်ပူင်သွၼ်ပၼ်တီႈၼိူဝ် ဢွၼ်ႇလၢႆးမႃးယူႇယဝ်ႉ။ ၸၢင်ႈလဵပ်ႈႁဵၼ်းလႆႈ ငၢႆႈငၢႆႈသေၵေႃႈ ၸၢင်ႈၶဝ်ႈတွပ်ႇ ပၢင်တွပ်ႇသေ ၸၢင်ႈဢဝ်လႆႈ ဝႂ်လူင်ႉလႅၼ်ယူႇယဝ်ႉ။ ၸိူဝ်းပဵၼ် OS Developer ၼႆႉ ၼိူင်ႈပီၼႆႉ လႆႈငိုၼ်း တေႃႇလႃႇ 80000 ပၢႆယဝ်ႉ။ လႅပ်ႈတေဢိင်ၼိူဝ် လွင်ႈလူင်ႉလႅၼ်ႇၸဝ်ႈၵဝ်ႇ လွင်ႈမေႃၵႄႈလိတ်ႈၼႄၼမ်ႉၵတ်ႉသေၵေႃႈ မၵ်းမၼ်ႈပၼ်ငိုၼ်းလိူၼ်ၵႂႃႇ ယူႇယဝ်ႉ။ ပေႃးႁဵတ်းၵၢၼ်တီႈ ႁူင်းၵၢၼ်ၸၢၵ်ႈၼႆႉ မၢင်ပွၵ်ႈမၢင်လႂ် လွင်ႈလႆႈယိပ်းၵမ် ၶိူင်ႈၸၢၵ်ႈၼႆႉ မၼ်းတိူဝ်းယၢပ်ႇလိူဝ်သေ လွင်ႈယိပ်းၵမ်ၶွမ်ႇပိဝ်ႇတႃႇဢၼ်ဝႃႈၼၼ်ႉၵေႃႈ ထုၵ်ႇလီၽၢင်ႉဝႆႉၼင်ႇၵဝ်ႇ။

Application Developer

ၼႂ်းၵႄႈၵၢင် ၵူၼ်းႁပ်ႉၶူးၶွမ်ႇပိဝ်ႇတႃႇၼၼ်ႉ ဢၼ်ပဵၼ်ပၢႆးၽႃႇသႃႇ ဢၼ်လီၶဝ်ႈၸႂ်သေပိူၼ်ႈၼႆႉ ပဵၼ်ပၢႆးမေႃ ၵေႃႇသၢင်ႈ application ၼၼ်ႉၵေႃႈ ၶဝ်ႈပႃးဝႆႉယဝ်ႉ။ AD ၸိူဝ်းၼႆႉ ၵႆႉလႆႈၵၢၼ်တီႈ ႁူင်းၵၢၼ်ၶွမ်ႇပၼီႇလူင်ႇယဝ်ႉ။ ၵၢၼ်ၶဝ်ႈၼႆႉ တေလႆႈမေႃၸႂ်ႉ Tools သွပ်ႉဝႄးလ် ၵမ်ႉပႃႈၼမ်ၼၼ်ႉယဝ်ႉ။ ၸိူဝ်းပဵၼ်ၼႂ်းၸုမ်း Office သေဢမ်ႇၵႃး ၸိူဝ်းပဵၼ် application ဢၼ်ၵပ်းၵၢႆႇၼၼ်ႉၵေႃႈ လူဝ်ႇလႆႈလူင်ႉလႅၼ်ႇဝႆႉယဝ်ႉ။ AD ၶဝ်ၼႆ့ လူဝ်ႇလႆႈမီးၸုမ်ႈၶူးၵပ်းၵၢႆႇလူၺ်ႈ ပၢႆးပႆႇၺႃႇၽၢႆႇမေႃ သေဢၼ်ဢၼ်သေ တေလႆႈမေႃ ယိပ်းတိုဝ်း application ဢၼ်ၽၢႆႇၶွမ်ႇပၼီႇၶဝ် လူဝ်ႇၸႂ်ႉၼၼ်ႉယဝ်ႉ။ တူဝ်ယၢင်ႇမၼ်း သင်ၸိူဝ်ႉဝႃႈ ပဵၼ်ၵၢၼ်ငၢၼ်းၶူၼ်ႉၶႂႃႇၽၢႆႇယႃႈယႃၼႆၵေႃႈ တေလႆႈပဵၼ်ၵူၼ်းမေႃၸႂ်ႉ Tools ဢၼ်ၵပ်းၵၢႆႇလူၺ်ႈ လွင်ႈၶူၼ်ႉၶႂႃႉ ၵၢၼ်ယႃႈယႃၼၼ်ႉယဝ်ႉ။

AD ၸိူဝ်းၼႆႉ ၼိူင်ႈပီလႆႈ လႆႈ တေႃႇလႃႇ 70000 ပၢႆယဝ်ႉ။ တွၼ်ႈတႃႇ မေႃၸႂ်ႉ Application ၼၼ်ႉ ဢမ်ႇတၢပ်ႈလူဝ်ႇၶိုၼ်ႈ ပၢင်သွၼ်လူင် ၶိုၵ်ႉၶိုၵ်ႉၶမ်ႇၶမ်ႇသင်ၼင်ႇၵဝ်ႇ။ ယၢမ်းလဵဝ်တႄႉ တီႈၼိူဝ်ဢွၼ်ႇလၢႆးၵေႃႈ ၵပ်းၵၢႆႇလူၺ်ႈ ဝိူင်းလႂ်ဝိူင်းၼၼ်ႉ ၸၢင်ႈမီးတီႈ လဵပ်ႈႁဵၼ်း application ၼၼ်ႉသေ လုၵ်ႉတီႈဢွၼ်ႇလၢႆးသေၵေႃႈ ၶဝ်ႈတွပ်ႇပၢင်တွပ်ႇ ဢၼ်ၶွမ်ႇပၼီႇၸိူဝ်းၼၼ်ႉ ဢၼ်ပၼ်လွင်ႈၵမ်ႉထႅမ်ၸိူဝ်းၼၼ်ႉသေ ၸၢင်ႈဢဝ်လႆႈ ဝႂ်မၵ်းမၼ်ႈလႆႈငၢႆႈငၢႆႈယူႇယဝ်ႉ။ AD ၸိူဝ်းၼႆႉ ပေႃးဝႃႈ ၵွမ်ႉမေႃ ပေႃႉလိၵ်ႈဢိတ်းဢွတ်း မေႃႁဵတ်းၼႄ ၸရၢင်းဢၢင်းၵႂၢၵ်ႈဢိတ်းဢွတ်းၵူၺ်းတႄႉ တေၸၢင်ႈလႆႈငိုၼ်းလိူၼ်ဢေႇသေ ပေႃးၼႄလႆႈၼမ်ႉၵတ်ႉ တီႈ ၼႃႈၵၢၼ်ယႂ်ႇလူင်တႄႉၵေႃႈ တေၸၢင်ႈလႆႈငိုၼ်းလိူၼ် ၼမ်ယူႇယဝ်ႉ။

Computer System Analyst

တေပဵၼ်ၵူၼ်းၵေႃႉဢၼ်တေလႆႈယူႇၸမ် ၽူႈၸတ်းၵၢၼ် IS ၼၼ်ႉယဝ်ႉ။ ယွၼ်ႉပိူဝ်ႈဝႃႈဝႆႉ ပဵၼ် Analyst ၼႆလႄႈ ပေႃးၵပ်းၵၢႆတင်းၶွမ်ႇပိဝ်ႇတႃႇသေ မီးလွင်ႈၶဵင်ႇတႃႉမႃး တေလႆႈပဵၼ်ၵေႃႉဢၼ်မေႃၵႄႈလိတ်ႈ လီလီငၢမ်းငၢမ်းၼၼ်ႉယဝ်ႉ။ တေလႆႈဢဝ် တၢင်းလူင်ႉလႅၼ်ႇၸဝ်ႈၵဝ်ႇ ႁူမ်ႈၵၼ်သေ တေလႆႈ ၵႄႈလိတ်ႈ ပၼ်ႁႃ ႁၢတ်ႉဝႄးလ် လႄႈ သွပ်ႉဝႄးလ် တွၼ်ႈတႃႇၶွမ်ႇပိဝ်ႇတႃႇ ၸိူဝ်းၵၼ် ၵူၼ်းႁဵတ်းၵၢၼ် တီႈၼႂ်း ၶွမ်ႇပၼီႇၼ ၸႂ်ႉတိုဝ်းဝႆႉၼၼ်ႉယဝ်ႉ။ တေၸၢင်ႈလႆႈ ၼိူင်ႈပီ တေႃႇလႃႇ 66000 ပၢႆယဝ်ႉ။ ၶွမ်ႇပၼီႇၵမ်ႉပႃႈၼမ်တႄႉ ၵႆႉၸႅၵ်ႇၽႄဝႆႉ တီႇသၢႆႇၼႃႇ လႄႈ ပရူဝ်ႇၶႅမ်ႇမႃႇယဝ်ႉ။ Analyst ဢၼ်ဝႃႈၼႆႉ ဢမ်ႇၸႂ်ႈတွၼ်ႈတႃႇတေတႅမ်ႈ ပရူဝ်ႇၶႅမ်ႇ၊ မၼ်းပဵၼ်ၵေႃႉဢၼ်တေၸၢင်ႈထတ်းသၢင်ႈ တွၼ်ႈတႃႇ ႁႂ်ႈပေႃးလႆႈ ၶေႃႈတွပ်ႇ ၶေႃႈၵႄႈလိတ်ႈ Solution ၼၼ်ႉၼႆ ၵႆႉလႄႇ မၵ်းမၼ်ႈဝႆႉၼင်ၼၼ်ယဝ်ႉ။ ယွၼ်ႉပိူဝ်ႈၼၼ် လူဝ်ႇလႆႈပဵၼ် ၵူၼ်းဢၼ်ၶဝ်ႈၸႂ်ၵၢၼ်ၶူၼ်ႉၶႂႃႇ လႄႈ လူဝ်ႇလႆႈဝႆႉ ၸုမ်ႈၶူးပၢႆးသၢႆႊၶွမ်ႇပိဝ်ႇတႃႇ တီႈၼိူဝ်ဢွၼ်ႇလၢႆး သေဢၼ်ဢၼ်ၼၼ်ႉယဝ်ႉ။ လိူဝ်သေၼၼ်ႉဢမ်ႇၵႃး ထုၵ်ႇလီပဵၼ် ၵူၼ်းၵၼ် မေႃလူင်ႉလႅၼ်ႇ ပရူဝ်ႇၶႅမ်ႇ ၼၼ်ႉယဝ်ႉ။

Computer System Designer

CSD ၶဝ်ၼႆႉ ၼိူင်ႈပီ လႆႈမွၵ်ႈ တေႃႇလႃႇ 65000 ၼႆႉယဝ်ႉ။ ပုၼ်ႈၽွၼ်း CSD ၼႆႉ တေလႆႈလႅပ်ႈႁဵၼ်းသၢႆငၢႆ လွင်ႈမီးၽွၼ်း ပိူင်သၢင်ႈ computer system သေဢၼ်ဢၼ်ၼၼ်ႉယဝ်ႉ။ သမ်ႉၵႆႉလႆႈ ၶဝ်ႈၸတ်းၵၢၼ် ၸိူဝ်းပဵၼ် ၼႃႈၵၢၼ်သွပ်ႉဝႄးလ်တၢင်ႇၸိူဝ်းၵွၼ်ႇ။ တေလူဝ်ႇလႆႈဝႆႉ ၸုမ်ႈၶူး ဢၼ်ၵပ်းၵၢႆႇလူၺ်ႈ ပၢႆးပႆႇၺႃႇၽၢႆႇမေႃႇ သေဢၼ်ဢၼ်ယဝ်ႉ။ တီႈႁူင်းၵၢၼ် ၶွမ်ႇပၼီႇၼႆႉ ပေႃးဝႃႈ တေပၼ်ၵၢၼ် CSD ၼႆႉ ဢမ်ႇၸႂ်ႈဝႃႈတူၺ်း ၸုမ်ႈၶူးဢၼ်လဵဝ်ၵူၺ်း တူၺ်းပႃး လွင်ႈမေႃၵပ်းသိုပ်ႇသေ ၸင်ႇၵႆႈပၼ်ၵၢၼ် ပၼ်ဢွင်ႈယဝ်ႉ။

တွၼ်ႈတႃႇ ၸၼ်ႉထၢၼ်ႈဢၼ်ၼႆႉၼႆႉ ၵႆႉလႄႇပၼ်ပႃႇၸႃး တႃႇၵူၼ်း ဢၼ်မေႃႁဵတ်းသၢင်ႈၸွမ်းၸုမ်းၸွမ်းၽုင် တင်းသွပ်ႉဝႄးလ် လႄႈ ၵူၼ်းဢၼ်မီးတူဝ်ထူပ်း ဢၼ်မေႃႁဵတ်းၵၢၼ်ၸွမ်းၵၼ်ၼၼ်ႉယဝ်ႉ။ CSD ၶဝ်ၼႆႉ တေလႆႈမီးလွင်ႈလႅတ်းၽၢႆႇၶူင်သၢင်ႈ လႄႈ တေလႆႈမီးၼမ်ႉၵတ်ႉ တွၼ်ႈတႃႇ ၶူင်သၢင်ႈႁဵတ်းဢွၵ်ႇႁင်းၸဝ်ႈၵဝ်ႇယဝ်ႉ။ ပေႃးပၼ်ႁႃ သေဢၼ်ဢၼ် ဢွၵ်ႇပေႃႇပဵၼ်မႃး တေလႆႈပဵၼ် ၵူၼ်းမီးၼမ်ႉၵတ်ႉ ဢွၼ်ႁူဝ် ၵႄႈလိတ်ႈလႆႈၼၼ်ႉယဝ်ႉ။ ထုၵ်ႇလီ လဵပ်ႈႁဵၼ်းယုၵ်ႉသုင် ၼမ်ႉၵတ်ႉ ပရူဝ်ႇၶႅမ်ႇ တွၼ်ႈတႃႇ CSD ႁႂ်ႈပေႃးပဵၼ် Update ဝႆႉယူႇတႃႇသေ ၼႆယဝ်ႉ။

Data Processing Specialist

တီႈႁူင်းၵၢၼ်ၶွမ်ႇပၼီႇ ၼိူင်ႈဢၼ်ၼႆႉ ၸိူဝ်းပဵၼ် ၽူႈၸတ်းၵၢၼ်လႄႈ administrator ၶဝ်ၼႆႉ ၽွင်းၶဝ်လႆႈၵမ်ႉထွၵ်ႈပၼ် ၶေႃႈမုၼ်း data တႃႇ ၶွမ်ႇပၼီႇၼၼ်ႉ ၸိူဝ်းပဵၼ်ၸုမ်း ဢၼ်မၢႆၸိုဝ်ႈဝႃႈ ပဵၼ်ၽူႈလူင်ႉလႅၼ်ႇၶဝ်ၼႆႉ ၶဝ်လႆႈႁဵတ်းပၼ် ႁႂ်ႈၶေႃႈမုၼ်း data ၸိူဝ်းၼႆႉ မၢၼ်ႇမႅၼ်ႈလီၼႆယဝ်ႉ။ ၸိူဝ်းပဵၼ် ယေးငိုၼ်း လႄႈ ၶွမ်ႇပၼီႇႁဵတ်းၵၢၼ်ႁပ်ႉၸႂ်ႉ ၸိူဝ်းၼႆႉ ၵႆႉလႄႇ ႁွင်ႉၵၢၼ် DPS ယဝ်ႉ။ တေလႆႈမီးၸုမ်ႈၶူး ဢၼ်ၵပ်းၵၢႆႇလူၺ်ႈ ပၢႆးပႆႇၺႃႇၽၢႆႇမေႃ သေဢၼ်ဢၼ်ယဝ်ႉ။ တေလႆႈလူင်ႉလႅၼ်ႇ တွၼ်ႈတႃႇႁဵတ်း ၵႅမ်လင် Backup လႄႈtransfer ၸိူဝ်းပဵၼ် ၶေႃႈမုၼ်း Data ၼၼ်ႉယဝ်ႉ။ ပေႃးဝႃႈ ၵပ်းၵၢႆႇလူၺ်ႈ လွင်ႈငိုၼ်းတွင်း လႄႈ တွၼ်ႈတႃႇ တူင်ႇဝိူင်းပၢႆးယႃႈယႃၼႆတႄႉ လုၵ်ႉတီႈၼိူဝ် ဢွၼ်ႇလၢႆးသေၵေႃႈ ၸၢင်ႈဢဝ်လႆႈ ဢၢႆႇထီႇတီႇၵရီႇ သေဢၼ်ဢၼ်ယူႇယဝ်ႉ။ တေၸၢင်ႈလဵပ်ႈႁဵၼ်းလႆႈပႃး ၶေႃႈမုၼ်းဢွၼ်ႇလၢႆး database လႄႈ storage device ၸိူဝ်းၼႆႉသေၵွၼ်ႇ။ သင်ၸိူဝ်ႉဝႃႈ ၸဝ်ႈၵဝ်ႇ ပဵၼ်ၵူၼ်းလူင်ႉလႅၼ်ႇ ၽၢႆႇပၢႆးၵၢၼ် ဢၼ်ၸဝ်ႈၵဝ်ႇတေလႆႈႁဵတ်းၼႆႉ ၼိူင်ႈပီၼႆႉ ၸၢင်ႈလႆႈ တေႃႇလႃႇ 64000 ၼႆႉယဝ်ႉ။

Web Hosting Technician

မိူဝ်ႈပူၼ်ႉမႃး 10 ပီပၢႆၼၼ်ႉၼႆ ၸၼ်ႉထၢၼ်ႈဢၼ်ဝႃႈ ၽူႈလူင်ႉလႅၼ်ႇ Web Hosting ဢၼ်ဝႃႈၼၼ်ႉ ၽႂ်ၵေႃႈယင်းဢမ်ႇဝူၼ်ႉမႃးဝႆႉၵွၼ်ႇလႃႈ။ ၵၢပ်ႈပၢၼ်ယၢမ်းလဵဝ်တႄႉ Web ဢၼ်ဝႃႈၼႆႉ မၼ်းၽႄႈတိုၼ်းဢဝ်တီႈယူႇမႃးၼင်ႇ ပိူင်ပၼ်ၼမ်ႉ ပၼ်ၽႆး ဢၼ်လႆႈၸႂ်ႉယူႇ ၵူႈႁိူၼ်းၵူႈႁိူၼ်းၼၼ်ႉယဝ်ႉ။ ၸိူဝ်းပဵၼ် ႁူင်းၵၢၼ်ၶွမ်ႇပၼီႇ လႄႈ တွၼ်ႈတႃႇ ၵၢၼ်ႈၸွႆႈသၢင်ႈတၢင်ႇၸိူဝ်းၼႆႉ မၼ်းလူဝ်ႇလႆႈႁဵတ်း Promotion တီႈၼိူဝ် ဢွၼ်ႇလၢႆးမႃးယူႇယဝ်ႉ။ ယၢမ်းလဵဝ် မၼ်းထိုင်ပၢၼ် ဢဝ်ၶႅပ်းႁၢင်ႈ ဢဝ်ၶေႃႈမုၼ်း data ဢဝ်လိၵ်ႈထႅမ်သႂ်ႇ တီႈၼိူဝ် Site ၸဝ်ႈၵဝ်ႇသေ ႁဵတ်းႁႂ်ႈၶိုၼ်ႈယႂ်ႇမႃးယဝ်ႉ။ ၸဵမ်ဝႃႈ ႁဵတ်းပၢင်သွၼ်ၶွမ်ႇပိဝ်ႇတႃႇ၊ တွၼ်ႈတႃႇ လုၵ်ႉတီႈၼိူဝ်ဢွၼ်ႇလၢႆးသေ ႁဵတ်းႁႂ်ႈ ၵူၼ်းသိုဝ်ႉႁဝ်းလႆႈပေႃးလႆႈ ပဵင်းပေႃးၸႂ်ၸိူဝ်းၼႆႉ လုၵ်ႉတီႈၼိူဝ် Web သေၵေႃႈ ႁဵတ်းမႃးလႄႈ မၼ်းပဵၼ်ၵၢပ်ႈဢၼ်လူဝ်ႇ ၽူႈလူင်ႉလႅၼ်ႇ Hosting မႃးယူႇၵူႈမိုဝ်ႉၵူႈဝၼ်းယဝ်ႉ။

တွၼ်ႈတႃႇ ၼႃႈၵၢၼ် WHT ၼႆႉ တေလႆႈလူင်ႉလႅၼ်ႇ ႁၢတ်ႉဝႄးလ် လႄႈ သွပ်ႉၾ်ဝႄးလ် တင်းသွင်မဵဝ်းယဝ်ႉ။ လိူဝ်သေၼၼ်ႉဢမ်ႇၵႃး တေလႆႈလူင်ႉလႅၼ်ႇ Web ဢိၼ်ႇတႃႇၼႅတ်ႉလႄႈ တေလႆႈပွင်ႇၸႂ်ပႃး ပိူင်ပၢႆးႁူမ်ႇလူမ်ႈ Security system ၼၼ်ႉယဝ်ႉ။ ပေႃးဝႃႈပဵၼ် ၽူႈလူင်ႉလႅၼ်ႇ ၸီႇၼီႇယႃႇ ၼိူင်ႈၵေႃႉၼႆ ငိုၼ်းလိူၼ် လႆႈထိုင်မွၵ်ႈ 64000 ၼႆႉယဝ်ႉ။

Computer Support Specialist

မိူဝ်ႈပူၼ်ႉမႃးၼၼ်ႉ မၢႆႉၶရူဝ်ႇသွပ်ႉၾ် ယၢမ်ႈလၢတ်ႈမႃးဝႃႈ "ၼိူဝ်ၽိုၼ်ၵူႈတီႈ တေလႆႈမီးၶွမ်ႇပိဝ်ႇတႃႇ" ဝႃႈၼႆယဝ်ႉ။ ယၢမ်းလဵဝ်တႄႉ ၸွမ်းၼင်ႇ လွင်ႈၼွၼ်းၽၼ်မၢႆႉၶရူဝ်ႇသွပ်ႉၾ်ၼႆႉ လႆႈဝႃႈပဵၼ်မႃးတႄႉယူႇယဝ်ႉ။ ႁိူၼ်းလႂ်ၵေႃႈ မီးမႃးၶွမ်ႇပိဝ်ႇတႃႇသေဢမ်ႇၵႃး ၵပ်းၵၢႆႇလူၺ်ႈ တွၼ်ႈတႃႇ မူၼ်ႉမႄးၼၼ်ႉၵေႃႈ လူဝ်ႇၽူႈပၼ်တၢင်းၶႆႈၸႂ် ၽၢႆႇပၢႆးပႆႇၺႃႇတၢင်းမေႃ မႃးယူႇယဝ်ႉ။ တွၼ်ႈတႃႇ မႄးၶွမ်ႇပိဝ်ႇတႃႇလႆႈ၊ တွၼ်ႈတႃႇပၼ်တၢင်းၶႆႈၸႂ်လႆႈဢၼ်ဝႃႈၼႆႉ ႁူႉလိၵ်ႈလၢႆလၢႆၵူၺ်းဢမ်ႇလႆႈ။ တေလႆႈမီးလွင်ႈၶဝ်ႈၸႂ် ပႃးၸႂ်၊ တေလႆႈမီးလွင်ႈလဵပ်ႈႁဵၼ်း၊ တေလႆႈမီးတူဝ်ထူပ်းၼမ်ၼမ်သေ ၸင်ႇလႆႈၸိုဝ်ႈ ဢၼ်ဝႃႈပဵၼ် ၽူႈလူင်ႉလႅၼ်ႇမႃးယဝ်ႉ။ ၸၼ်ႉထၢၼ်ႈ CSS ၼႆႉ ပဵၼ်ၸၼ်ႉထၢၼ်ႈ ဢၼ်မီးလွင်ႈၶဵင်ႇတႃႉ ၵပ်းၵၢႆႇလူၺ်ႈ လွင်ႈလူင်ႉလႅၼ်ႇ ယူႇတႃႇသေႇယဝ်ႉ။

မိူဝ်ႈၵူႈပွၵ်ႈ တီႈမိူင်းဢမေႇရိၵၢၼ်ႇၼႆႉ ၸိူဝ်းပဵၼ်ၽူႈလူင်ႉလႅၼ်ႇၶွမ်ႇပိဝ်ႇတႃႇၶဝ်ၼႆႉ တေလႆႈဢွၵ်ႇၼွၵ်ႈမိူင်းသေၵေႃႈ ႁႃၵၢၼ် ဝႃႈၼႆလႄႈ ဝၢႆးလင်မႃး ၵူၼ်းၸိူဝ်းမႄးၶွမ်ႇပိဝ်ႇတႃႇၼႆႉ တေဢေႇမႃး ၼႆ လႆႈထၢင်ႇမႃးၸိူင်ႉၼၼ်ယဝ်ႉ။ ၵူၺ်းၵႃႈ တေႃႇထိုင်ယၢမ်းလဵဝ်တႄႉ ၸိူဝ်းပဵၼ် ၽူႈၵိူဝ်းၵုမ်ၶွမ်ႇပိဝ်ႇတႃႇ specialist ၸိူဝ်းၼႆႉ တိုၵ်ႉလူဝ်ႇဝႆႉယူႇတင်းၼမ်ယဝ်ႉ။ ယွၼ်ႉၼၼ်လႄႈ ၵၢၼ်ငၢၼ်းဢၼ်ဢဝ်ၾူင်းသေ သွၵ်ႈႁႃပၼ်ႁႃၶွမ်ႇပိဝ်ႇတႃႇၼၼ်ႉ လႆႈၶိုၼ်ႈယႂ်ႇမႃးယူႇယဝ်ႉ။ ၵေႃႈမိူၼ်ၼင်ႇ ၽူႈလူင်ႉလႅၼ်ႇပၢႆးယႃႈယႃ specialist ၼိူင်ႈၵေႃႉၼၼ်ႉၼင်ႇၵဝ်ႇ ၸိူဝ်းပဵၼ် ၽူႈလူင်ႉလႅၼ်ႇ ၶွမ်ႇပိဝ်ႇတႃႇ specialist ၵေႃႈ ပၢၼ်ႁႃ မဵဝ်းၼႃႈ လုၵ်ႉပူၵ်းတဵင်ႈၶိုၼ်းသေၵႄႈလိတ်ႈၵေႃႈ မီးဝႆႉတင်းၼမ်လႄႈ လွင်ႈလူင်ႉလႅၼ်ႇၼႆႉ ပဵၼ်ဢၼ်လမ်ႇလွင်ႈဝႆႉယဝ်ႉ။ လိူဝ်သေၸုမ်ႇၶူး ပၢႆးပႆႇၺႃႇၽၢႆႇမေႃသေဢမ်ႇၵႃး လူဝ်ႇလႆႈမီးဝႂ်သေဢၼ်ဢၼ် ဢၼ်ဢဝ် လွင်ႈလူင်ႉလႅၼ်ႇ ပဵၼ်ပိုၼ်ႉမၼ်းၼၼ်ႉယဝ်ႉ။ သင်ၸိူဝ်ႉဝႃႈ ပဵၼ်ၽူႈလူင်ႉလႅၼ်ႇမီးၼမ်ႉၵတ်ႉတဵမ်ထူၼ်ႈၼႆ ၼိူင်ႈပီ ၸၢင်ႈလႆႈ တေႃႇလႃႇ 40000 ၼႆႉယဝ်ႉ။

Desktop Publisher

တွၼ်ႈတႃႈၼႃႈၵၢၼ်းပၢႆးမေႃ ဢၼ်ႁွတ်ႈထိုင်ၸိၵ်းယူႇယၢမ်းလဵဝ်ၼၼ်ႉ ဢမ်ႇတၢပ်ႈလူဝ်ႇၸုမ်ႈၶူးၼင်ႇၵဝ်ႇ။ ၸိူဝ်းပဵၼ်ႁူင်းၵၢၼ်ၶွမ်ႇပၼီႇလူင်ၸိူဝ်းၼႆႉၵူၺ်း ဢၼ်ၵပ်းၵၢႆႇလူၺ်ႈ လိၵ်ႈလဝ်ႈတၢင်ႇ၊ လိၵ်ႈၶေႃႈၸီႉသင်ၸိူဝ်းၼႆႉ ၵႆႉၸႂ်ႉ ၽူႈႁၢပ်ႇၵၢၼ်ၶဝ်သေႁဵတ်းယဝ်ႉ။ ယွၼ်ႉပိူဝ်ႈၼၼ် ၽူႈပေႃႉလိၵ်ႈၼႆႉၵေႃႈ တွၼ်ႈတႃႇ ၸုမ်းလုမ်း လႄႈ ၶွမ်ႇပၼီႇၼႆႉ ပဵၼ်ဢၼ်လူဝ်ႇမႃႇယူႇဢမ်ႇႁၢင်ႉယဝ်ႉ။ လွင်ႈလူင်ႉလႅၼ်ႇ ၽူႈပေႃႉလိၵ်ႈၼိူင်ႈၵေႃႉၼႆႉၵေႃႈ ၼပ်ႉသွၼ်ႇယွၼ်ႇယေႃႈဝႆႉၵေႃႈ ဢမ်ႇပႆႇပဵၼ်။ ဢဝ်တၢင်းလူင်ႉလႅၼ်ႇမၼ်းသေ လိၵ်ႈၼိူင်ႈၽိုၼ် ဢမ်ႇၼၼ် လိၵ်ႈလဝ်ႈတၢင်ႇ ၼိူင်ႈၽိုၼ်၊ လႄႈ ၶႅပ်းသပ်းလႅင်း PowerPoint ၸိူဝ်းၼႆႉၵေႃႈ တေလႆႈမေႃႁဵတ်းႁႂ်ႈ ႁႂ်ႈလီၶဝ်ႈၸႂ်ၼၼ်ႉယဝ်ႉ။ တေလႆႈမေႃဝႆႉပႃး ၽၢႆႇၶရၢပ်ႉၽိတ်ႉတီႇသၢႆးသေ တီႈဢေႇသုတ်းမၼ်းလူဝ်ႇမီး တူဝ်ထူပ်း 2 ပီယဝ်ႉ။ လူဝ်ႇလႆႈမီး လွင်ႈလူင်ႉလႅၼ်ႇၼႂ်းၼႃႈၵၢၼ်သေ ၼိူင်ႈပီၼႆႉ လႆႈတေႃႇလႃႇ မွၵ်ႈ 32000 ၼႆႉယဝ်ႉ။

ၶႅပ်းဝႂ်ၵၢပ်ႈပၢၼ်ဢၢႆႇထီႇ

ႁူဝ်ပၢၵ်ႇပီ 21 ၼႆႉ လႆႈဝႃႈပဵၼ် ၵၢပ်ႈပၢၼ်ဢၢႆႇထီ ၼႆယဝ်ႉ။ တီႈ ၵၢပ်ႈပၢၼ်ဢၢႆထီႇၼႆႉ ၶႅပ်းဝႂ် ဢၼ်ၵပ်းၵၢႆႇလူၺ်တင်း ဢၢႆႇထီႇၼႆႉ ပဵၼ်ဢၼ် လမ်ႇလွင်ႈ မႃးယဝ်ႉ။ ႁူင်းၵၢၼ်ၶွမ်ႇပၼီႇၶဝ်ၵေႃႈ ၶဝ်တိူဝ်းတူၺ်းႁၼ် ၵူၼ်းၸိူဝ်း လႆႈၶႅပ်းဝႂ် ဢၢႆႇထီႇ သေဢၼ်ဢၼ်ၼၼ်ႉယဝ်ႉ။ တီႈၼႂ်း ၸၢတ်ႈပၢၼ် ဢၢႆႇထီႇၼႆႉ လွင်ႈၸိူဝ်း ထုၵ်ႇလီႁူႉ ထုၵ်ႇလီမေႃ ၼၼ်ႉ မီးဝႆႉ တင်းၼမ်ယဝ်ႉ။ ၵူၼ်းၵူႈၵေႃႉ ဢမ်ႇၸွမ်းႁူႉလႆႈ လွင်ႈပၢႆးမေႃၵူႈဢၼ် လႄႈ ပိူင်သၢင်ႈ ၵူႈဢၼ်ဢၼ်။ ဢၢႆထီႇ ဢၼ်ဝႃႈၼၼ်ႉ ၵဵဝ်ႇလူၺ်ႈ ၵူၼ်းသေ ၸင်ႇပေႃႇပဵၼ်မႃး ယဝ်ႉ။ ပေႃးဝႃႈ ပႆႇၵၢင်းယၢၼ်လႆႈ တင်း ၵူၼ်းၼႆတႄႉ တွၼ်ႈၵၼ် ၵူၼ်းႁဝ်းၵေႃႈ တေလႆႈ ၵဵဝ်ႇၵပ်းၵၢႆႇၵၼ်တင်း ဢၢႆႇထီႇ ယူႇယဝ်ႉ။

တီႈၼႂ်းပိုၼ်းၼႆႉ သုၼ်ႇၵၢၼ်ႇငၢၼ်း ဢၼ်ဝႃႈၼၼ်ႉ လႆႈႁုၼ်ႈမုၼ်း ၶိုၼ်ႈယႂ်ႇ မႃးၸွမ်း ပၢႆးမေႃ ဢၼ်ဢွၵ်ႇပေႃႇ ပဵၼ်မႃးၼၼ်ႉယဝ်ႉ။ ၵၢၼ်ငၢၼ်း ၵူႈဢၼ်ၼႆ့ လွင်ႈလူင်ႉလႅၼ်ႇ ဢၼ်ဝႃႈၼႆႉ လမ်ႇလွင်ႈမႃး ဢမ်ႇမီးဢမ်ႇပဵၼ်ယဝ်ႉ။ ၸွမ်းလူၺ်ႈ လွင်ႈပၢႆးမေႃ ၶိုၼ်ႈယႂ်ႇမႃးသေလႄႈ ၵူၼ်းဢၼ် တေၸၢင်ႈၸႂ်ႉ လူင်ႉလူင်ႉလႅၼ်လႅၼ်ႇ ၼၼ်ႉၵေႃႈ လူဝ်ႇမႃးယူႇယဝ်ႉ။ တီႈၵၢပ်ႈပၢၼ် ဢၢႆႇထီၼႆႉ ၶွမ်ႇပိဝ်ႇတႃႇ ဢၼ်ဝႃႈၼၼ်ႉ ပဵၼ်ၶိူင်ႈ ဢၼ်ၸပ်းတိတ်းမႃးၸွမ်း ၸၢတ်ႈပၢၼ် တူင်ႇဝိူင်းၵူၼ်းၼၼ်ႉယဝ်ႉ။ ႁိူၼ်း၊ လုမ်း၊ ႁူင်းႁဵၼ်း သေဢမ်ႇၵႃး တေႃႇပ​ေႃးထိုင် ပၢင်လဵၼ်ႈပၢႆးလဵၼ်ႈၼႆႉ ၶွမ်ႇပိဝ်ႇတႃႇ ၶဝ်ႈဢဝ် တီႈယူႇ မႃးယဝ်ႉ။ ၶွမ်ႇပိဝ်ႇတႃႇၼႆႉ ပဵၼ်မႃးၶိူင်ႈ ဢမ်ႇမီးဢမ်ႇပဵၼ် တီႈၼႂ်း ၸၢတ်ႈပၢၼ်ၵူၼ်း ၵူႈဝၼ်းၼၼ်ႉယဝ်ႉ။ ပၢၼ်ဢၢႆႇထီႇၼႆႉ တီႈၵၢၼ်ႁဵတ်းဢွၵ်ႇ ဢၼ်လႂ်သေဢမ်ႇဝႃႈ ပေႃးဢမ်ႇပႃး ၶွမ်ႇပိဝ်ႇတႃႇၼႆႉ ဢမ်ႇပဵၼ် ပေႃးတေလႆႈဝႃႈၼၼ်ယဝ်ႉ။ ယွၼ်ႉပိူဝ်ႈၼၼ် တီႈၼႂ်း ၼႃႈၵၢၼ်ၼႆႉ ၶွမ်ႇပိဝ်ႇတႃႇ ဢမ်ႇပႃးဢမ်ႇပဵၼ် ၼႆလႄႈ တွၼ်ႈတႃႇ ၵုမ်းၵမ် ၶွမ်ႇပိဝ်ႇတႃႇ ၸိူဝ်းၼၼ်ႉၵေႃႈ လူဝ်ႇလႆႈမီး ၼမ်ႉၵတ်ႉလူင်ႉလႅၼ်ႇမႃးယဝ်ႉ။ ယွၼ်ႉပိူဝ်ႈၼၼ်လႄႈ ၽၢႆႇလူင်ႉလႅၼ်ႇ ၶွမ်ႇပိဝ်ႇတႃႇ၊ ၽၢႆႇလူင်ႉလႅၼ်ႇ ဢၼ်ၵပ်းၵၢႆႇလူၺ်ႈ တူင်ႇဝိူင်း ၶွမ်ႇပိဝ်ႇတႃႇ၊ ၽၢႆႇလူင်ႉလႅၼ်ႇ တွၼ်ႈတႃႇ ပိူင်သၢင်ႈ ၶွမ်ႇပိဝ်ႇတႃႇ ၼိူင်ႈဢၼ် တေဢွၵ်ႇပေႃႇ ပဵၼ်မႃး၊ ပေႃး ပိူင်းသၢင်ႈ ဢၼ်ၼိူင်ႈ ဢွၵ်ႇပေႃႇ ပဵၼ်မႃး လူဝ်ႇလႆႈမီး ၼမ်ႉၵတ်ႉ လူင်ႉလႅၼ်ႇ တႃႇၵုမ်းထိင်းၼၼ်ႉယဝ်ႉ။ ယွၼ်ႉၼၼ်လႄႈ တေဢဝ်သင် မၵ်းမၢႆ တႅပ်းတတ်း လွင်ႈလူင်ႉလႅၼ်ႇၶဝ်ၼၼ်ႉ။ တေလႆႈဢဝ် ၶႅပ်းဝႂ် (Certification) သေ မၵ်းမၢႆ တႅပ်းတတ်း ၵူၺ်းယဝ်ႉ။ ၵၢပ်ႈပၢၼ် ဢၢႆႇထီႇၼႆႉ ၶႅပ်းဝႂ်ဢၢႆႇထီ ၼႆႉ ပဵၼ် "လၵ်းၸဵင်" မႃးယူႇယဝ်ႉ။ ၵၢပ်ႈပၢၼ်ဢၢႆႇထီႇၼႆႉ ပေႃးပဵၼ် ၵူၼ်းၵေႃႉ ဢၼ်ယိပ်းၵမ်ဝႆႉ ၶႅပ်းဝႂ်ဢၢႆႇထီ သေဢၼ်ဢၼ်ၸင်ႇ ၸၢင်ႈတႅပ်းတတ်းဝႃႈ တေပဵၼ် ၵူၼ်းႁဵတ်းၵၢၼ်လႆႈ တႃႇ ၶွမ်ႇပၼီႇ၊ ၼႃႈၵၢၼ် ၼႆယဝ်ႉ။

ၶႅပ်းဝႂ်ၶွမ်ႇပိဝ်ႇတႃႇဢၼ်ဝႃႈၼၼ်ႉ

ၶႅပ်းဝႂ် ၶွမ်ႇပိဝ်ႇတႃႇ ဢၼ်ဝႃႈၼၼ်ႉ ပဵၼ် ၶႅပ်းဝႂ် မၵ်းမၼ်ႈ လွင်ႈဝႃႈ ၵပ်းၵၢႆႇလူၺ်ႈ တူင်ႇဝိူင်း ဢၢႆႇထီႇသေ မီးလွင်ႈလူင်ႉလႅၼ်ႇ ၵတ်ႉၶႅၼ်ႇၵႃႈႁိုဝ် ဢၼ်ဝႃႈၼၼ်ႉယဝ်ႉ။ ပေႃးတွပ်ႇ ဢွင်ႇပူၼ်ႉ ပၢင်ႇတွပ်ႇလိၵ်ႈ သေဢၼ်ဢၼ် ဢၼ်လုၵ်ႉတီႈ ၵၢၼ်ငၢၼ်းၶွမ်ႇပိဝ်ႇတႃႇ မၵ်းမၼ်ႈဝႆႉၼၼ်ႉ ၸင်ႇတေၸၢင်ႈလႆႈ ၶႅပ်းဝႂ် ယူႇယဝ်ႉ။ ၶႅပ်းဝႂ် ဢၢႆႇထီႇ ဢၼ်ဝႃႈၼၼ်ႉ တီႈၼႂ်း ၶွပ်ႇတူင်ႇဝိူင်း ဢၢႆႇထီႇၼၼ်ႉ ပေႃးမီး တူဝ်ထူပ်း လိၵ်ႈထူပ်းသေယဝ်ႉ ၸင်ႇၸၢင်ႈလႆႈယဝ်ႉ။ ပေႃးဝႃႈ လႆႈၶႅပ်းဝႂ် ဢၼ်မၵ်းမၼ်ႈဝႆႉၼင်ႇယဝ်ႉ ၵူၼ်းၵေႃႉၼၼ်ႉ ၸင်ႇၸၢင်ႈ မၵ်းမၼ်ႈဝႃႈ ပဵၼ်ၽူႈလူင်ႉလႅၼ်ႇ ၼႂ်းလေႃးၵ ဢၢႆႇထီႇ ၼႆယဝ်ႉ။

တီႈၵၢပ်ႈဢၢႆႇထီႇၼႆႉ ၵၢၼ်ၵၢၼ်း ဢၼ်လမ်ႇလွင်ႈ ဢၼ်လူဝ်ႇသေပိူၼ်ႈၸိူဝ်းၼၼ်ႉ ၸၢင်ႈမၵ်းမၼ်ႈပၼ် ၶႅပ်းဝႂ်ဝႆႉယဝ်ႉ။ ၸိူဝ်းပဵၼ် ၶႅပ်းဝႂ်ဢၢႆႇထီႇၼၼ်ႉၵေႃႈ ပဵၼ်ၸုမ်းဢၼ်ၵဵဝ်ႇလူၺ်ႈ ဢၢႆႇထီႇ၊ ႁူင်းၵၢၼ် ၶွမ်ႇပၼီႇၸိူဝ်းၼႆႉ ၵေႃႉၵမ်ႉထႅမ်မၵ်းမၼ်ႈပၼ်ယဝ်ႉ။ ၸိူဝ်းပဵၼ် ၸုမ်းၸိူဝ်းၼၼ်ႉ ၵေႃႉ ၸႅတ်ႈထၢမ်ပွႆႈတွပ်ႇလိၵ်ႈလႄႈ ၵႆႉထူၵ်ႈပၼ် ၶႅပ်းဝႂ် ဢၼ်ၵူႈမိူင်းမိူင်းႁပ်ႉႁူႉဝႆႉၼၼ်ႉယဝ်ႉ။

ၼႂ်းၵႃႈၵူၼ်းပၼ် လွင်ႈၵမ်ႉထႅမ် Sponsor တႃႇ ၶႅပ်းဝႂ်ၶွမ်ႇပိဝ်ႇတႃႇၼၼ်ႉ ၵူၺ်းဢမ်ႇၵႃး ၵူၼ်းၸိူဝ်းႁဵတ်းဢွၵ်ႇ ၶိူင်ႈႁၢတ်ႉဝႄးလ် ၵူၺ်း ၸိူဝ်းပဵၼ် ၽူႈႁဵတ်းဢွၵ်ႇ သွပ်ႉၾ်ဝႄးလ် ၸိူဝ်းၼႆႉၵေႃႈ ၶဝ်ႈပႃးယူႇယဝ်ႉ။ ၸိူဝ်းပဵၼ် ပၢင်သွင်လူင် ဢၼ်လွတ်ႈလႅဝ်း လႄႈ ၸိူဝ်းပဵၼ် ႁွင်ႈၵၢၼ်ပူင်သွၼ် ပၢႆးပႆႇၺႃႇႁႃလဵင်ႉတွင်ႉၸိူဝ်းၼႆႉၵေႃႈ ၶဝ်ႈပႃးဝႆႉယဝ်ႉ။

ၼမ်ႉၵတ်ႉပၢႆးမေႃ ၵၢပ်ႈပၢၼ်ဢၢႆႇထီႇ

ၼမ်ႉၵတ်ႉၵူၼ်းၼိူင်ႈၵေႃႉ ၼႆႉ တေလႆႈဢဝ် ၼမ်ႉၵတ်ႉ တၢင်းလူင်ႉလႅၼ်ႇ ၸိူဝ်းဢၼ်မၼ်း လဵပ်ႈႁဵၼ်းဢဝ်မႃးၼၼ်ႉသေ တႅပ်းတတ်း မၵ်းမၼ်ႈလႆႈယူႇယဝ်ႉ။ ၵၢပ်ႈပၢၼ် ဢၢႆႇထီႇၼႆႉၵေႃႈ ၼမ်ႉၵတ်ႉတၢင်းၶႅၼ်ႇ ဢၼ်ဢမ်ႇမေႃဢမ်ႇပဵၼ် ၸိူဝ်းၼၼ်ႉၵေႃႈ ပေႃးမၵ်းမၼ်ႈဝႆႉယဝ်ႉ။ ပေႃးၵပ်းၵၢႆႇလူၺ်ႈ ဢၢႆႇထီႇသေၼႆ ၸၼ်ႉထၢၼ်ႈၼမ်ႉၵတ်ႉ တၢင်းၶႅၼ်ႇ ၸႅၵ်ႇဝႆႉ ၸၼ်ႉ Level သၢမ်ၸၼ်ႉယဝ်ႉ။

o Level 1 * Certificate Level

o Lelel 2 * Diploma Level

o Level 3 * Degree Level

ၶႅပ်းဝႂ် ၸိူဝ်းထုၵ်ႇလီ လႆႈဝႆႉ တီႈၸၼ်ႉထၢၼ်ႈ Certificate Level

• Certificate in Software Engineering

• Certificate in Network Engineering

• Certificate in Hardware Engineering

• Certificate in Web Developer

• Certificate in Graphic Designer

• Certificate in Database Administration

ၶႅပ်းဝႂ် ၸိူဝ်းထုၵ်ႇလီ လႆႈဝႆႉ တီႈၸၼ်ႉထၢၼ်ႈ Diploma Level

• IDCS (UK)

• DCS (UK)

• IDEC (UK)

• IDNE

• IADCS (UK)

• ADCS (UK)

• D.C.Sc/PGDCA/PGDMA

• Diploma in Information Technology

• Diploma in Software Engineering

• Diploma in Network Engineering

• Diploma in Computer Arts (Multimedia)

ၶႅပ်းဝႂ် ၸိူဝ်းထုၵ်ႇလီ လႆႈဝႆႉ တီႈၸၼ်ႉထၢၼ်ႈ Degree Level

• B.C.Sc

• B.C.Tech

• B.Sc (Com Science)

• BCIS (UK)

• B.E (IT)

• B.Tech (IT)

ၶႅပ်းဝႂ် ဢၼ်ၸုမ်းၽူႈလူင်ႉလႅၼ်ႇၶွမ်ႇပိဝ်ႇတႃႇ မိူင်းမျၢၼ်ႇမႃႇ ယိုၼ်ႁပ်ႉဝႆႉ

• ITPEC (Cross Certification with Japan)

• MCPA*FE Certification

• MCPA*SD Certification

• MCPA*NE Certification

ၸွမ်းၼင်ႇဝႂ်ၽၢႆႇၼိူဝ်ၼၼ်ႉ ပေႃးဝႃႈဢွင်ႇပူၼ်ႉ ပၢင်တွပ်ႇ ဢၼ်လုၵ်ႉတီႈ ၸုမ်းၽူႈလူင်ႉလႅၼ်ႇၶွမ်ႇပိဝ်ႇတႃႇ မိူင်းမျၢၼ်ႇမႃႇ တွင်ႈထၢမ်ႈၼၼ်ႉၼႆ ၸၢင်ႈႁပ်ႉဢဝ်လႆႈယူႇ။

• MCPA Fundamental Engineer Exam

• MCPA Software Development Exam

• MCPA Network Engineer Exam

ၶႅပ်းဝႂ် ဢၼ်မၢႆႉၶရူဝ်ႇသွပ်ႉၾ်ၶဝ် ထူၵ်းပၼ်သေ ဢၼ်ၵူႈမိူင်းမိူင်းယိုၼ်ႁပ်ႉဝႆႉ

ဝႂ်ဢၼ်ၵူႈမိူင်းမိူင်းႁပ်ႉႁူႉၸွမ်းၼႆ ပေႃးဝႃႈ တွၼ်ႈတႃႇၵူၼ်းဢၼ်ၶႂ်ႈဢဝ်တၢင်းမေႃ ဢၢႆႇထီႇသေ ႁဵတ်းႁႃလဵင်ႉတွင်ႉၵႂႃႇ ၼႆတႄႉ ဢမ်ႇမီးဢမ်ႇပဵၼ်။ၼႂ်းၵႃႈ ဝႂ်ဢၢႆထီႇ ဢၼ်မီးမွၵ်ႇၼႃႈၵီႈ တီႈၼႂ်းတူင်ႇဝိူင်းၵူႈမိူင်းမိူင်းၼၼ်ႉ ပႃးဝႂ်ဢၼ်မၢႆႉၶရူဝ်ႇသွပ်ႉၾ် ပၼ်ၼၼ်ႉသေ တီႈမိူင်းမျၢၼ်ႇမႃႇၼႆႉၵေႃႈ လုၵ်ႉတီႈၼိူဝ် ဢွၼ်ႇလၢႆးသေၵေႃႈ တွပ်ႇလႆႈငၢႆႈငၢႆႈသေၵေႃႈ ၸၢင်ႈဢဝ်လႆႈ ဝႂ်ၸိူဝ်းၼၼ်ႉယူႇ။

ဝႂ်မၢႆႉၶရူဝ်ႇသွပ်ႉၾ် ၸိူဝ်းၼၼ်ႉတႄႉ*

• MCP (Microsoft Certified Professional)

• MCSE (Microsoft Certified Systems Engineer)

• MCSD (Microsoft Certified Solution Developer)

• MCAD (Microsoft Certified Application Developer)

• MCSA (Microsoft Certified System Administrator)

• MCTS (Microsoft Certified Technical Specialist)

• MCITP (Microsoft Certified IT Professional)

• MCDBA (Microsoft Certified Database Administrator)

ၶႅပ်းဝႂ်ဢၢႆႇထီႇလမ်ႇလွင်ႈ တၢင်ႇၸိူဝ်း

ပၢၼ်ဢၢႆႇထီႇၼႆႉ ၼႂ်းၵႃႈ တွၼ်ႈၵၼ် ၶႅပ်းဝႂ်ဢၢႆႇထီႇၼၼ်ႉ ဢၼ်တေဝႆႉၵိုတ်းၵႂႃႇ ဢမ်ႇလႆႈၼႆႉ ပႃး ၶႅပ်းဝႂ် ၽႃႇသႃႇပရူဝ်ႇၶႅမ်ႇၼၼ်ႉယဝ်ႉ။ ပၢၼ်ဢၢႆႇထီႇၼႆႉ ၼႃႈၵၢၼ်တႃငၢၼ်း ၸိူဝ်းဢၼ် ၵဵဝ်ႇလူၺ်ႈတင်း ၶွမ်ႇပိဝ်ႇတႃႇၼႆႉ မီးဝႆႉတင်းၼမ်ယဝ်ႉ။ ၵူၺ်းၵႃႈဝႃႈ ပၢႆးပႆႇၺႃႇ ဢၼ်ဢဝ်တီႈယူႇဝႆႈ တီႈထႅၼ်ႈမၼ်းၼၼ်ႉ ဢၼ်ပဵၼ် ပၢႆးပႆႇၺႃႇ ၽႃႇသႃႇပရူဝ်ႇၶႅမ်ႇၼႆႉၵေႃႈ ၶဝ်ႈပႃးဝႆႉယဝ်ႉ။ ၽႃႇသႃႇပရူဝ်ႇၶႅမ်ႇၼႆ့ ႁူမ်ႈဝႃႈမၼ်း လိုၵ်ႉလမ်ႇဝႆႉသေတႃႉၵေႃႈ ပေႃးဝႃႈၶဝ်ႈၸႂ်သေ လဵပ်ႈႁဵၼ်းၼႆႉ မၼ်းၸၢင်ႈလူင်ႉလႅၼ်ႇ ၸၢင်ႈမေႃလႆႈယူႇ။ တီႈၵူႈမိူင်းမိူင်းၵေႃႈ ၸိူဝ်းပဵၼ် ၽူႈတႅမ်ႈပရူဝ်ႇၶႅမ်ႇၼႆ့ ၸၢင်ႈၶဝ်ႈပႃးၵပ်းၵၢႆႇတင်း ၼႃႈၵၢၼ်ၵူႈသမ်ႇသႅၼ်ပိူင်သေ ၸၢင်ႈလႆႈ ၸၼ်ႉထၢၼ်ႈလီ ငိုၼ်းႁူဝ်လိူၼ်လီ ၼၼ်ႉယဝ်ႉ။ ဢၼ်ပဵၼ်မေႃသွၼ် ဢၼ်ပူင်သွၼ်ပၼ် ၽၢႆႇတႅမ်ႈပရူဝ်ႇၶႅမ်ႇ တီႈမိူင်းမျၢၼ်ႇမႃႇ ဝႃႈတႄႉ ၼႃႈၵၢၼ် ဢၼ်ၵဵဝ်ႇလူၺ်ႈ ပရူဝ်ႇၶႅမ်ႇၼႆႉ မၼ်းပဵၼ် ၼႃႈၵၢၼ်ႁႃငိုၼ်း ဢၼ်ဢမ်ႇတၢပ်ႈလူဝ်ႇဢွၵ်ႇႁိူၼ်းၼၼ်ႉယဝ်ႉဝႃႈၼႆ။ ပေႃးဝႃႈ ပရူဝ်ႇၶႅမ်ႇဢၼ်ၼိူင်ႈ မီးၸိုဝ်ႈသဵင်ၵႂႃႇၼႆ ၸၢင်ႈလႆႈငိုၼ်း ႁူဝ်လၢၼ်ႉမၼ်းသေ ၵူၼ်းၵူႈၵေႃႉ ဢမ်ႇၸၢင်ႈႁဵတ်းလၢဝ်ထိုမ်းၼူၽႆးလႆႈသေတႃႉ ၵူၼ်းၵူႈၵေႃႉ ၸၢင်ႈၶူင်သၢင်ႈလႆႈ သွပ်ႉၾ်ဝႄးလ် ဢၼ်ၶိုတ်းၸၼ်ႉၵမ်ႇၽႃႇလႆႈယူႇ၊ မိူဝ်းၼႃႈထႃႈပၢႆမႃးၵေႃႈ ၸိူဝ်းပဵၼ် ၶွမ်ႇပၼီႇၵူႈဢၼ် ၸုမ်းၵူႈဢၼ်ၼႆႉ တေဢမ်ႇၸႂ်ႉ သွပ်ႉၾ်ဝႄးလ် ဢမ်ႇပဵၼ်ယဝ်ႉ။ ပေႃးဝႃႈ လဵပ်ႈႁဵၼ်းဝႆႉ လွင်ႈတႅမ်ႈ ပရူဝ်ႇၶႅမ်ႇၼႆ တွၼ်ႈတႃႇၼႃႈၵၢၼ်တႄႉ မၼ်းဢမ်ႇလႆႈမႆႈၸႂ် ဝႃႈၼႆယဝ်ႉ။

Database ၵမ်ႉၵၢႆႇလူၺ်ႈ ၽႃႇသႃႇ Database သေ ၼႃႈၵၢၼ် ဢၼ်မီးသုၼ်ႇၸၢင်ႈလႆႈ ၼႆႉ*

• Database Administrator (DBA)

• Business Intelligence (BI) ၸိူဝ်းၼႆႉယဝ်ႉ။

ပေႃးၵပ်းၵၢႆႇ Database သေ ပၢႆးမေႃ ၸိူဝ်းဢၼ်ထုၵ်ႇလီ လဵပ်ႈႁဵၼ်းဝႆႉၼၼ်ႉ *

• Oracle Server

• IBM DB2 Server

• Sybase SQL Server

• Microsoft SQL Server ၸိူဝ်းၼႆႉယဝ်ႉ။

ၽႃႇသႃႇ Programming ဢၼ်ထုၵ်ႇလဵပ်ႈႁဵၼ်းဝႆႉ ၵၢပ်ႈပၢၼ်ဢၢႆႇထီႇ

• JavaScript
• Swift
• Python
• Java
• Kotlin
• C++
• Ruby
• Rust
• Elixir
• Scala
• R

သုၼ်ႇၵၢၼ်ငၢၼ်း ၸိူဝ်းၸၢင်ႈလႆႈ တွၼ်ႈတႃႇ ၽူႈလူင်ႉလႅၼ်ႇပရူဝ်ႇၶႅမ်ႇ

• Web Application Developer

• Windows Application Developer

• Enterprise Application Developer

• Mobile Application Developer ပဵၼ်ၸိူဝ်းၼႆႉယဝ်ႉ။

ၼမ်ႉၵတ်ႉ ဢၢႆႇထီႇ Skills ဢၼ်ပဵၼ်လၵ်းၸဵင် ၵူႈမိူင်းမိူင်းမၵ်းမၼ်ႈဝႆႉ

ပေႃးဝႃႈတေႁဵတ်းၵိၼ် ၵၢၼ်ငၢၼ်း ဢၢႆႇထီႇ တီႈၵူႈမိူင်းမိူင်းၼၼ်ႉလႄႈသင်၊ သင်ၸိူဝ်ႉဝႃႈ ၶႂ်ႈလႆႈၸၼ်ႉထၢၼ်ႈႁၢမ်ႉသုင်ၼၼ်ႉလႄႈသင် ၽၢႆႇႁဝ်းလူဝ်ႇၶတ်းၸႂ် ႁႂ်ႈလူင်ႉလႅၼ်ႇဝႆႉ ၸွမ်းၼင်ႇ လၵ်းၸဵင် ၶဝ်မၼ်းမၼ်ႈဝႆႉၼၼ်ႉယဝ်ႉ။ ပေႃးပဵၼ်ၵူၼ်းဢၢႆႇထီႇၼိူင်ႈၵေႃႉ ၽႃႇသႃႇ Language ဢၼ်လူဝ်ႇလႆႈ လူင်ႉလႅၼ်ႇဝႆႉၼၼ်ႉ -

• Java, XML, C, C++, JavaScript, SQL, HTML, UML

• Borland JBuilder,

• Sun ONE Studio (Forte),

• Macromedia Dreamweaver MX,

• Rational Rose,

• UltraEdit-32,

• Borland CBuilder,

• Oracle SQL Plus

Operating System ၸိူဝ်းဢၼ်တေၸၢင်ႈလႆႈၸႂ်ႉတိုဝ်းၼၼ်ႉ -

• Windows (XP, 2000, NT, Windows 7, Windows 10),

• IBM OS/2 2.0,

• HP-UX 9.0,

• DEC VMS 4.1,

• Unix (Linux and Sun Solaris)

ၵူၼ်းပၢႆးဢၢႆႇထီႇၼိူင်ႈၵေႃႉ ၵပ်းၵၢႆႇလူၺ်ႈ ၼမ်ႉၵတ်ႉ ပၢႆးမေႃ မၼ်းၼၼ်ႉသေ ၸၢင်ႈမၵ်းမၼ်ႈလႆႈ ၼင်ႇၼႆယဝ်ႉ။

ပေႃးၵပ်းၵၢႆႇလူၺ်ႈ Web Technologies မႃးၼႆ ၸိူဝ်းပဵၼ် Dream weraver, JavaScript, HTML ၸိူဝ်းၼႆႉ တေလႆႈမီး တူဝ်ထူပ်း ၼႂ်းၵႄႈ 4 ပီ တေႃႇ 7 ပီ ယဝ်ႉ။

ပေႃးၵပ်းၵၢႆႇလူၺ်ႈ Language ၼင်ႇ Java, C, C++, UML ၸိူဝ်းၼႆႉၼႆ တေလႆႈၸၢင်ႈမၵ်းမၼ်ႈ ၼႃႈၵၢၼ်တူဝ်ထူပ်း ၵိုင်ႇမီး 5 ပီတေႃႇ 8 ပီယဝ်ႉ။

ပေႃးၵပ်းၵၢႆၸၼ်ႉထၢၼ်ႈၼမ်ႉၵတ်ႉ Skill Level သေၼႆ ၸဝ်ႈပၢႆးဢၢႆႇထီႇ ၼိူင်ႈၵေႃႉၼႆႉ ၸၢင်ႈမၵ်းမၼ်ႈ လႆႈၼင်ႇၼႆယဝ်ႉ။

Language	Years' Experience	Skill Level
Java	6	Expert
XML	3	Intermidate
C	6	Expert
C++	4	Intermidate
JavaScript	6	Expert
SQL	4	Intermidate
HTML	6	Intermidate
UML	2	Novice

ပေႃးဝႃႈ တေဢၢၼ်းႁပ်ႉပဵၼ် ၸဝ်ႈပၢႆးဢၢႆႇထီႇ ၵေႃႉၼိူင်ႈသေ ႁဵတ်းႁႃလဵင်ႉတွင်ႉ ၵႂႃႇၼႆ ၵွမ်ႉမေႃၸႂ်ႉတိုဝ်း ၶွမ်ႇပိဝ်ႇတႃႇ ၵူၺ်းဢမ်ႇလႆႈ။ လေႃးၵဢၢႆႇထီႇၼႆႉ ၵႂၢင်ႈၶႂၢင်ႇႁႅင်းၼႃႇ။ တီႈၼႂ်း ၶွမ်ႇပိဝ်ႇတႃႇ လုၵ်ႈလဵဝ်ၵူၺ်း ၸိူဝ်းဢၼ်လီလႆႈႁူႉဝႆႉၼၼ်ႉ ထၢင်ႇတေဢမ်ႇမူတ်းလႆႈ။ ဢၼ်ၶႂ်ႈပၼ်တၢင်းၶႆႈၸႂ်ထိုင် ၽူႈတေဢၢၼ်းဢဝ် ဢၢႆႇထီႇသေ ႁဵတ်းႁႃလဵင်ႉတွင်ႉၵႂႃႇၼႆ ထုၵ်ႇလီလိူၵ်ႈ သဵၼ်ႈတၢင်း ဢၼ်ၼိူင်ႈ ၼႄႉၼႄႉၼွၼ်းၼွၼ်းယဝ်ႉ။ ပေႃးဝႃႈ တေၸွမ်းသဵၼ်ႈတၢင်း ၵရၢပ်ႉၾိၵ်ႉတီႇသၢႆးၼႆၵေႃႈ တေလႆႈပၼ်ၶၢဝ်းယၢမ်းသေ လဵပ်ႈႁဵၼ်း application မၼ်းလီလီယဝ်ႉ။ ယွၼ်ႉပိူဝ်ႈဝႃႈ ပဵၼ်ၵၢပ်ႈပၢၼ်သိုဝ်ႇၶၢဝ်ႇလႄႈ Layout Designer ၸိူဝ်းၼႆႉ Graphic Designer ၸိူဝ်းၼႆႉ ပဵၼ်ဢၼ်လူဝ်ႇဝႆႉတႄႉတႄႉယဝ်ႉ။ တီႈၼႂ်းမိူင်းၵူၺ်း ၼႃႈၵၢၼ်တႃႇႁဵတ်းမီးတင်းၼမ်ယဝ်ႉ။ ၸိူဝ်းပဵၼ်တိူၵ်ႈပေႃႉလိၵ်ႈ တိူၵ်ႈဢိတ်ႇလိၵ်ႈၸိူဝ်းၼၼ်ႉၵေႃႈ ဢိင်ၼိူဝ်ၼမ်ႉၵတ်ႉၸဝ်ႈၵဝ်ႇသေ ၼႃႈၵၢၼ်လိူင်ႇဝႆႉယဝ်ႉ။ ငိုၼ်းလိူၼ်ၵေႃႈၶႅမ်ႉလႄႈ မၼ်းပဵၼ်ၵၢၼ်ငၢၼ်း ဢၼ်ထုၵ်ႇလီလႆႈဝူၼ်ႉတႃႇ ၸုၵ်းယၼ်ၸၢတ်ႈပၢၼ်ၵႂႃႇမိူဝ်းၼႃႈၼၼ်ႉယဝ်ႉ။ Graphic Designer ၼိူင်ႈၵေႃႉၼႆႉ လူဝ်ႇလႆႈမီး လွင်ႈၶူင်သၢင် လႄႈ လွင်ႈၸွမ်းၶိုတ်းၵၢပ်ႈၶိုတ်းပၢၼ်သေ လူဝ်ႇလႆႈမီးၸႂ် ၶႂ်ႈၵူတ်ႇႁႃလဵပ်ႈႁဵၼ်းလႄႈ လူဝ်ႇလႆႈမီးမၢၵ်ႇတႃႇပၢႆးမွၼ်း ယဝ်ႉ။

ပေႃးဝႃႈပဵၼ် ၵူၼ်းၶႂ်ႈၶတ်းၸႂ်ဝႃႈ ၶွမ်ႇပိဝ်ႇတႃႇၼႆႉ ဢမ်ႇဢၢၼ်းဝႃႈ တႃႇၸႂ်ႉလၢႆလၢႆၵူၺ်း တေဢၢၼ်းၶႂ်ႈႁႂ်ႈ ၶူင်သၢင်ႈၸႂ်ႉတိုဝ်းလႆႈ ၼႆတႄႉ ထုၵ်ႇလီ လဵပ်ႈႁဵၼ်းပႃး ၽႃႇသႃႇၽရူဝ်ႇၶႅမ်ႇယဝ်ႉ။ လွင်ႈတႅမ်ႈ ၽရူဝ်ႇၶႅမ်ႇၼႆႉ ပဵၼ်ဢၼ်လီၶဝ်ႈၸႂ်သေ တေလႆႈဝႃႈပဵၼ် လွၵ်းလၢႆး ဢၼ်ၸၢင်ႈမၢၵ်ႈမီးလႆႈၼႆသေဢမ်ႇၵႃး ယွၼ်ႉပိူဝ်ႈဝႃႈ ၵၢၼ်ငၢၼ်းၵေႃႈလိူင်ႇလႄႈ ထုၵ်ႇလီၶတ်းၸႂ် ႁႂ်ႈပဵၼ် ၽူႈတႅမ်ႈၽရူဝ်ႇၶႅမ်ႇ ၵေႃႉၼိူင်ႈယူႇယဝ်ႉ။

ၵၢၼ်ဢၼ်လႂ်သေဢမ်ႇဝႃႈ ပေႃးဝႃႈပၵ်းၸႂ်သေ လဵပ်ႈႁဵၼ်း ဢမ်ႇမီးၸႂ်ၶၢၼ်ႉၸႂ်ဢိူၼ်ၼႆ တိုၼ်းဢွင်ႇမၢၼ်ယူႇယဝ်ႉ။ ပိူၼ်ႈလၢတ်ႈသင်ၵေႃႈ ယုမ်ႇသေ ၼၼ်ႉၵေႃႈၸွမ်းႁဵတ်း ၼႆႉၵေႃႈၸွမ်းႁဵတ်းၼႆ တေဢမ်ႇတူၵ်းထုၵ်ႇ။ တီႈၼႂ်းလေႃးၵဢၢႆႇထီႇၼႆႉ ဢမ်ႇမီး လဵၵ်ႉဝႃႈ ယႂ်ႇ။ ပေႃးပႃးၸႂ် ၵႃႈႁိုဝ်ၵေႃႈ ဢၼ်လဵၵ်းႁဵတ်းႁႂ်ႈပဵၼ် ဢၼ်ယႂ်ႇလႆႈ ၊ ဢၼ်ယႂ်ႇ ႁဵတ်းႁႂ်ႈပဵၼ် ဢၼ်လဵၵ်ႉၵေႃႈလႆႈယဝ်ႉ။ ၶွမ်ႇပိဝ်ႇတႃႇ ၼႆႉ မၼ်းပဵၼ်ၶိူင်ႈၶူဝ်းၵိုၵ်းၵူၼ်းယူႇဝႆႉလႄႈ ပေႃးဝႃႈမၼ်းတိုၵ်ႉပဵၼ် ၶိူင်ႈၶူဝ်းဢမ်ႇမီးဢမ်ႇပဵၼ် တွၼ်ႈတႃႇၵူၼ်းယူႇၼႆတႄႉ ၵၢၼ်ငၢၼ်း ဢၼ်ၵပ်းၵၢႆႇလူၺ်ႈ ၶွမ်ႇပိဝ်ႇတႃႇ၊ ၵၢၼ်ငၢၼ်းဢၢႆႇထီႇ ဢၼ်ၵပ်းၵၢႆႇလူၺ်ႈ ၶွမ်ႇပိဝ်ႇတႃႇၸိူဝ်းၼႆႉတႄႉ တိုဝ်ႉတၢင်းမၼ်းတိုၵ်ႉတေလီဝႆႉယူႇယဝ်ႉ။