ပၢင်ၵုမ်ၶွၼ်ႇၾရႅၼ်ႉလိၵ်ႈလူင်
ပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းၼိုင်ႈ
မႄးထတ်းပၢင်ၵုမ်ၶွၼ်ႇၾရႅၼ်ႉလိၵ်ႈလူင် ဢၼ်ၸဝ်ႈၶူးလူင် ပႃႇမွၵ်ႉၶ ၻွၵ်ႈတိူဝ်ႇ ၶမ်းမႆၢ ထမ်မသႃမိ ဢွၼ်ႁူဝ်သေ ၸတ်းႁဵတ်းၼၼ်ႉ ပွၵ်ႈၵမ်းဢွၼ်တၢင်းသုတ်း ႁဵတ်းမိူဝ်ႈပႆၢလိူၼ်ၻီႇၸိမ်ႇၿိူဝ်ႇ ပီ 2013 တီႈဝိႁၢၼ်ဢွင်ႇမျေႇၽုင်ႇသႃႇ ဝတ်ႉတႆး ၵဝ်ႈလၵ်း ဝဵင်းတႃႈၵုင်ႈၼၼ်ႉယူႇယဝ်ႉ။ [1]
ၸိုဝ်ႈၽူႈလူလိၵ်ႈလႄႈႁူဝ်ၶေႃႈၽိုၼ်လိၵ်ႈၶူၼ်ႉၶႂႃႉ တီႈပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းၼိုင်ႈ ပီ2013 တီႈဝတ်ႉဢွင်ႇမျေႇၽုင်ႇသႃႇ ၵျွင်းတႆးၵဝ်ႈလၵ်း ဝဵင်းတႃႈၵုင်ႈ မီးဝႆႉၸွမ်းၼင်ႇမၢႆၶပ်ႉပၢင်ၵုမ်တီႈတႂ်ႈၼႆႉယဝ်ႉ။
- ၸဝ်ႈၶူး တွၵ်ႉတိူဝ်ႇ ပၺ်ၺႃသီရိ – ပိုၼ်းၽြႃးပလသိႁိင်ႇၵ ဢမ်ႇၼၼ် ပိုၼ်းၽြႃးၸဝ်ႈၵေႃႇမိူင်း
- ၸဝ်ႈၶူးဝိၸယႃႇၽိပႃႇလ – ၵေႃႉႁၢၼ်သႃႇသၼႃႇ ဢၼႃႇၵႃႇရိၵထမ်မပႃႇလ သီႇရိလင်ႇၵႃႇ
- ၸဝ်ႈသြႃႇဝိလႃႇသ (ပၢင်လူၼ်ႇ ထုင်ႉပူင်း) – ပိုၼ်းၸဝ်ႈၶူးမေႃလူင်ၸဝ်ႈၵေႃးလီႇ မိူင်းပၼ်ႇ
- ၸရေးတၢၼ်းၺုၼ်ႉ (သႅၼ်ဝီ) – ထမ်းၸဝ်ႈဢထမ်မိၵပႃႇလ ၵွင်းမူးႁႃႈသူႇ
- ၸဝ်ႈတူၼ်ၶူးသႃႇသၼ (မိူင်းလီ သႅၼ်ဝီ) – ပိုၼ်းၽြႃးလူင်းမိူင်း
- ၸရေးၵွၼ်းတိင်ႇၺ (ၼႃးသေႃႉ သႅၼ်ဝီ) – လိၵ်ႈလူင်ထေႇရုပ်ပတ်တိထမ်မိၵ ရႃႇၸႃႇ
- ၸရေးသီႇႁ (ၵေႇသီႇ) – ပိုၼ်းၵႅပ်ႈၸဝ်ႈရႁၼ်းတႃႇမလယမထေႇ မိူင်းဢၼုရႃႇထ ၵုၼ်သီႇႁူဝ်ႇ
- ၸရေးမူးၼိင်ႇ (တၢင်ႉယၢၼ်း) – ပိုၼ်းၵမ်ႇၽႃႇ
- ၸဝ်ႈၶူး တွၵ်ႉတိူဝ်ႇ ပၼ်ႇၺႃႇဝမ်ႇသ သႅင်ပၼ် – ထမ်းဝေႇသၼ်ႇ(ဝေသၼ်တရႃႇၸႃႇတၵ) မိူင်းၸဵင်းတုင်
- တွၵ်ႉတိူဝ်ႇ ၸၢႆးသၢင်ႇၽေႇ (ၸၢႆးပၢၼ်းႁႅင်း) – ငဝ်းလၢႆးလိၵ်ႈလူင်ဝၼ်းမိူဝ်ၼႆႉလႄႈ လွင်ႈထိင်း သိမ်းလိၵ်ႈလူင်
- တွၵ်ႉတိူဝ်ႇ ၸၢႆးၸေႃးတိၵ ၶိူဝ်းယိုၼ်း – လိၵ်ႈလူင်လႄႈၶႃႈႁဝ်း ၼႂ်းၶၢဝ်းတၢင်းသိပ်းပီ
- ၸဝ်ႈၶူးၼၼ်ႇတိယ (ပၢင်လူင်) – လဵပ်ႈႁဵၼ်းၶူးလၢႆးတႅမ်ႈႁေႃး လိၵ်ႈလင်ႇၵႃႇလူင် သၢမ်ၵိဝ်ၼူၺ်း/ယၢဝ်း တီႈၵႅပ်ႈ
- ၸရေးယွတ်ႈသွၼ်း (ပၢင်လူင်) – လဵပ်ႈႁဵၼ်းထမ်ႇမၸၵ်ႈၵျႃႇတြႃးဢူး
- ၸရေးလႃႉထုၼ်း (ၸရေးၵမ်ႉၶိူဝ်း) – ၸႃႇတၵသိပ်းၸၢတ်ႈ
- ၸရေးသၢင်ႇယီႈဢွၼ်ႇ – လိၵ်ႈလူင်ၵေႃးသလၼွၼ်းၽၼ် 16 ဢၼ်
- ၸရေးသၢင်ႇပႃႉဢူး (မၢဝ်းၶမ်းလၢၵ်ႇ ၼမ်ႉၶမ်း) – လဵပ်ႈႁဵၼ်းယႂ်းႁိုၼ် ထမ်ႇမပႁႃႇယၵ ဢမေႃးႁ ပၺ်ႇၺႃႇ ဢၼ်ၸဝ်ႈၶိင်းလူင်ၸိုၼ်ႈၶမ်းသႂ်တႅမ်ႈ
- ၸဝ်ႈသြႃႇဝိရိယ (ဝၢၼ်ႈလီ ၼမ်ႉလၼ်ႈ) – ၵွင်မွင်းႁူၵ်းသိူင်း
- ၸရေးမိၼ်ႉ (ထုင်ႉပူင်း) – မူႇတြႃးၸဝ်ႈ ဢၼိၸ်ၸတီႇပၼီႇ
- ၸရေးဢွင်ႇႁၢၼ်ႇ (ၼႃးလွႆ ထုင်ႉပူင်း) – လဵပ်ႈႁဵၼ်းႁႃလွၼ်ႉၼိူဝ်ႉလိၵ်ႈ ၼႂ်းပပ်ႉထမ်းၸဝ်ႈ ဝီႇရိယ သီလ သမႃႇထိ
- ၸရေးမွၼ်းသႅင် (လႃႈသဵဝ်ႈ) – လိၵ်ႈလူင်လင်ႇၵႃႇ ဢၼ်လႆႈလဵပ်ႈႁဵၼ်းၼႂ်းပပ်ႉ ႁိရိဢွတ်ႉတပ်ႉပ သင်ႇဝေႇၵဝတ်ႉထု
- ၸဝ်ႈသြႃႇၼၼ်ႇတထၸ (သႅၼ်ဝီ) – ႁိူဝ်းၶမ်းသၢမ်သိပ်းၸဵတ်းလမ်း
- ၸရေးသေႃး (လၢႆးၶႃႈ) – ၸႃႇတိတုၵ်ႉၶ သင်ႇဝေႇၵ
- ၸရေးၶမ်းပၢင်ႇ (တၢင်ႉယၢၼ်း) – ယွၼ်ႉပိူဝ်ႈၵဝ်
- ၸဝ်ႈၶူးလူင် ပႃႇမွၵ်ႉၶ တွၵ်ႉတိူဝ်ႇ ၶမ်းမၢႆ ထမ်ႇမသႃႇမိ – ၾိင်ႈပွႆးလူႇတၢၼ်း ၵမ်သိလ် ၵမ်ထမ်း လႄႈ ၽူႈၼမ်းၼႃႈဝၢၼ်ႈတႃသူၼ် (ယၵ်ႉတူၺ်းၾိင်ႈငႄႈသုတ်ႉတ ၼႂ်းၵၢၼ်လူႇတၢၼ်းပၢင်သွမ်း ၼႂ်းၸၢဝ်း ၶိူဝ်းတႆး)
- ၸဝ်ႈသြႃႇဝိၸိတ်ႉတသႃႇရ – လဵပ်ႈႁဵၼ်းလွင်ႈၼိပ်ႉပၢၼ်ႇ ၼႂ်းပပ်ႉၵျၢမ်းၼႄတၢင်းၼိပ်ႉပၢၼ်ႇ ဢၼ်ၸဝ်ႈဝေႃးရၶႄႉတႅမ်ႈ
- ၸရေးတေႇၸ (ထုင်ႉပူင်း) – လဵပ်ႈႁဵၼ်းႁႃလွၼ်ႉၼိူဝ်ႉလိၵ်ႈ ၼႂ်းပပ်ႉထမ်းၸဝ်ႈ ဢၼိၵ်ႉၸမူႇလသၵ်ႈသေႇ
- ၸရေးသၢင်ႇၸၢမ်ႇ (မိူင်းပွၼ်) – ပပ်ႉထမ်းၸဝ်ႈ ပၺ်ႇၺႃႇၵထႃႇၼဢုတေႇသ
- ၸဝ်ႈသြႃႇသုၶမ်း (တၢင်ႉယၢၼ်း) – ၶေႃႈၶူၼ်ႉၶႂႃႉ သုတ်ႉတမႁႃႇၼိပ်ႉပႃႇၼ ၼမ်ႉၵႂမ်းၸဝ်ႈၵေႃးလီႇ မိူင်းပၼ်ႇ
- ၸရေးဝိလိင်ႇ (တၢင်ႉယၢၼ်း) – မႅင်းသီႇႁူႁႃႈတႃ
- ၸရေးသၢင်ႇၸိင်း (မိူင်းပွၼ်) လဵပ်ႈႁဵၼ်းတူၺ်းပပ်ႉထမ်းတြႃးၸဝ်ႈ ပိတ်ႈၸေးသၢဝ်းသီႇ
- ၸရေးၵျေႃႇလူၼ်း (ၶမ်းတိူၼ်း သႅၼ်ဝီ) – ပိုၼ်းၽြႃးပဵၼ်ၸဝ်ႈ ဢၼ်တေပေႃႇမႃးမိူဝ်းၼႃႈ
- ၸရေး မေႃသွၼ် လၢဝ်သႂ်ယိင်း (လႃႈသဵဝ်ႈ) – လွင်ႈလဵပ်ႈႁဵၼ်းဝေႃးႁၢရ်တႆး ၼႂ်းထမ်းၵၢတ်ႇႁႃႈလုၵ်ႈ
- ၸဝ်ႈသြႃႇမုၼိၼ်ႇတ (ဝၢၼ်ႈယဵၼ်ႇ ထုင်ႉပူင်း) – ပပ်ႉလင်ႇၵႃႇထမ်းၸဝ်ႈ ၸူႇလၵမ်ႇမဝိၽင်ႇၵသုၵ်ႈ
- ၸဝ်ႈသြႃႇဝႃႇရိၼ်ႇတ (တူၼ်ႈမူင်ႈ ထုင်ႉပူင်း) – ထမ်ႇမပတၵႃႇထႃႇလင်ႇၵႃႇလူင်
- ၸရေးလိူၼ်ၶမ်း – ထမ်ႇမသႃႇရ ဢမတ်တသျူႉၽွႆႇ
- ၸရေးဝိမလ (တၢင်ႉယၢၼ်း) – လဵပ်ႈႁဵၼ်းတူၺ်းပပ်ႉထမ်းၸဝ်ႈ ရတၼႃႇၵုင်ႇၽေႇ
- ၸရေးၸၢမ်ႇဢေး (သႅၼ်ဝီ) – တြႃးၸဝ်ႈ တႃႇၼဢယေး သထေးသၢၵ်ႈသေႇ ၸိူဝ်းၼၼ်ႉယူႇယဝ်ႉ။
ပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းသွင်
မႄးထတ်း
ပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းသွင် လႆႈၸတ်းႁဵတ်းမိူဝ်ႈပႆၢလိူၼ်ၻီႇၸိမ်ႇၿိူဝ်ႇ ပီ 2014 တီႈဝတ်ႉႁူဝ်လွႆ ဝဵင်းလႆၢးၶႃႈ မိူင်းတႆး ပွတ်းၸၢၼ်း၊ ႁဵတ်းၵိုၵ်းပႃးပွႆးဝၼ်းၵိူတ်ႇၸဝ်ႈၶူးလူင်ထမ်မသႃမိ ထူၼ်ႈႁႃႈသိပ်းပီတဵမ်လႄႈ ပွႆးယၢတ်ႇၼမ်ႉၵျွင်း ႁူင်းထမ်းလူင် လင်မႂ်ႇ ဝတ်ႉႁူဝ်လွႆလႂ်ယဝ်ႉ။
ပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းသၢမ်
မႄးထတ်းပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းသၢမ် လႆႈၸတ်းႁဵတ်းမိူဝ်ႈပႆၢလိူၼ်ၻီႇၸိမ်ႇၿိူဝ်ႇ ပီ 2015 တီႈဝတ်ႉလူင်ၵၢင်မိူင်း ဝဵင်းလႃႈသဵဝ်ႈ မိူင်းတႆး ပွတ်းႁွင်ႇ။
ပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းသီႇ
မႄးထတ်းပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းသီႇ လႆႈၸတ်းႁဵတ်းမိူဝ်ႈပႆၢလိူၼ်ၻီႇၸိမ်ႇၿိူဝ်ႇ ပီ 2016 တီႈၵျွင်းၵျိၼ်းတေႃႇယၼ်ႇ (ၵျွင်းပုတ်ႉထၸၢဝ်းၶႄႇ) တီႈဝဵင်းတႃႈလိူဝ်ႇ (မၼ်းတလေး)။ ၽိုၼ်လိၵ်ႈၶူၼ်ႉၶႂႃႉ ဢၼ်ၽူႈၶူၼ်ႉၶႂႃႉတႅမ်ႈလိၵ်ႈၶဝ် မႃးလူၼႄၵႂႃႇတီႈပၢင်ၵုမ်ၶွမ်ႇၾရႅၼ်ႉၼႆႉ တင်းမူတ်းမီး 106 ၽိုၼ်သေ ၽူႈပွင်ၵၢၼ် ၽႆၢႇပၢင်ၵုမ်ၶဝ်လႆႈၸတ်းႁဵတ်းဢွၵ်ႇပဵၼ်ပပ်ႉဝႆႉသေ ၼႃႈလိၵ်ႈမၼ်း မီးယူႇ 638 ၼႃႈယဝ်ႉ။
ပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းႁႃႈ
မႄးထတ်းပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းႁႃႈ လႆႈၸတ်းႁဵတ်းမိူဝ်ႈပႆၢလိူၼ်ၻီႇၸိမ်ႇၿိူဝ်ႇ ပီ 2017 တီႈဝတ်ႉပိတၵတ်ႈ လႄႈ ဝတ်ႉမူၺ်ႇတေႃႇ၊ ဢၼ်ပဵၼ်ဢွင်ႈတီႈငဝ်ႈငုၼ်းမုၵ်ႉၸုမ်းလူင်သင်ႇၶၸိုင်ႈတႆး၊ ဝဵင်းပၢင်လူင် မိူင်းတႆးပွတ်းၸၢၼ်း။
ပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းႁူၵ်း
မႄးထတ်းပၢင်ၵုမ်ၶွၼ်ႇၾရႅၼ်ႉလိၵ်ႈလူင် ပွၵ်ႈၵမ်းႁူၵ်း လႆႈၸတ်းႁဵတ်းမိူဝ်ႈပႆၢလိူၼ်ၻီႇၸိမ်ႇၿိူဝ်ႇ ပီ 2018 တီႈဝတ်ႉဢွင်ႇၶျမ်းသႃႇ ဝဵင်းပၢင်ႇဢူ (ပိၼ်ႇဢူးလုၼ်ႇ / မေႇမျဵဝ်ႉ)ၼၼ်ႉယူႇယဝ်ႉ။[2]
တင်ႈတႄႇပီ2013မႃးသေ လွင်ႈတူင်ႉၼိုင်ၽၢႆႇႁၵ်ႉသႃမႅတ်ႇပႅင်း လိၵ်ႈၵဝ်ႇလိၵ်ႈမွၼ် ဢိၵ်ႇၵၢၼ်ၶူၼ်ႉၶႂႃႉလဵပ်ႈ ႁဵၼ်းလွင်ႈလိၵ်ႈလူင် ဢၼ်ၶူးမေႃလိၵ်ႈၶဝ်ၸဝ်ႈဢွၼ်ႁဵတ်းသၢင်ႈမႃးပၢၼ်သိုပ်ႇပၢၼ်ၸိူဝ်းၼၼ်ႉ ၵႂၢင်ႈၶႂၢင်ၶိုပ်ႈၼႃႈၶိုၼ်ႈယႂ်ႇတိူဝ်းတွၼ်းမႃးၼမ်တႄႉတႄႉ။ ၽွင်းၶၢဝ်းႁဵတ်းသၢင်ႈပၢင်ၵုမ်ၶွၼ်ႇၾရႅၼ်ႉၼၼ်ႉ လိူဝ်သေမၢႆၶပ်ႉလူၼႄၽိုၼ်လိၵ်ႈၶူၼ်ႉၶႂႃႉယဝ်ႉ ယင်းမီးထႅင်ႈပၢင်ၽိုၵ်းတႅမ်ႈလိၵ်ႈၸၼ်ႉသုင် ပၢင်ၽိုၵ်းႁဵတ်းသဵၼ်ႈမႆၢလိၵ်ႈလူင် လႄႈ ပၢင်ၵုမ်ၶွၼ်ႇၾရႅၼ်ႉမူႇၸုမ်းတႆးလဵပ်ႈႁဵၼ်းပိုၼ်း ၸိူဝ်းၼႆႉလ်ႂယဝ်ႉ။[3]
မႆၢတွင်း - ၶေႃႈမုၼ်းလႄႈၶႅပ်းႁၢင်ႈဢၼ်ၵဵဝ်ႇၵပ်းလူၺ်ႈပၢင်ၵုမ်ၶွၼ်ႇၾရႅၼ်ႉၸိူဝ်းၼၼ်ႉ ၸဝ်ႈလႂ်မီးဝႆႉလႄႈ ၸွႆႈတႅမ်ႈ ၸွႆႈထႅမ်သႂ်ႇပၼ်ၸိုင် ငိၼ်းၸူမ်းၶွပ်ႈၸႂ်ယူႇၶႃႈ။