ပီတဝိမႃၼဝတ်ထု၊ ၼၢင်းၽီ ဢၢၼ်းလူႇမွၵ်ႇမၢၵ်ႇမူပ်ႇသီႇလူင်ႇ
9. ပီတဝိမႃၼဝတ်ထု၊ ၼၢင်းၽီ ဢၢၼ်းလူႇမွၵ်ႇမၢၵ်ႇမူပ်ႇသီႇလူင်ႇ
မႄးထတ်းၼၢင်းၽီဢွၼ်ႇ မိူဝ်ႈမိူင်းၵူၼ်းၼၼ်ႉ ယိူင်းဢၢၼ်းတေဢဝ် မွၵ်ႇမၢၵ်ႇမူပ်ႇသီႇလူင်ႇ ဢၢၼ်းတေၵႂႃႇလူႇတၢၼ်း တမ်ႈတီႈ ထၢတ်ႈ(သရီႇရထၢတ်ႈ)သေ ၽွင်းတိုၵ်ႉၵႂႃႇၼၼ်ႉ သမ်ႉၵႂႃႇတၢႆၸွမ်းတၢင်း သမ်ႉလႆႈမႃးၸၢမ်ႇပူၺ်ႈႁေႃပြသၢတ်ႈ ၶမ်းလူင်
- 795-6။ ၼၢင်းၽီ ဢၼ်ၼုင်ႈၶူဝ်းလိူင်မိူၼ်ၶမ်း ဢၼ်မီးတမ်းၶွၼ်ႇလိူင်ၶမ်း ဢၼ်မီးၽႃႈယၢၵ်ႈတၼ်းသႃႇ မိူၼ်ၶမ်း ဢၼ်တူဝ်တႃးၸၼ်းၵူးၶမ်း ဢၼ်ပၵ်းမွၵ်ႇမူဝ်ၶမ်း ဢၼ်မီးႁေႃပြသၢတ်ႈၶမ်း ဢၼ်မီးၽႃႈသိူဝ်ႇၼွၼ်းၶမ်း ဢၼ်မီးတီႈယူႇၶမ်း ဢၼ်မီးၵွပ်းၶမ်း ဢၼ်ၵင်ႈၸွင်ႈၶမ်း ဢၼ်မီးရထႃးၶမ်း ဢၼ်မီးမႃႉၶမ်း ဢၼ်မီးဝီးၶူၼ်ႁၢင်ၶမ်း
- 797။ မႂ်းၼၢင်းၼႆႉ မိူဝ်ႈယူႇမိူင်းၵူၼ်းၼၼ်ႉ လႆႈႁဵတ်းၵုသူဝ်ႇသင်မႃးၼေႃး။ ၼၢင်းၽီဢွၼ်ႇ ၽွၼ်းလီဢၼ် ၼႆႉ ပဵၼ်ၽွၼ်းလီၵုသူဝ်ႇ ဢၼ်လႂ်ၼႆ ၵဝ်ထၢမ်မႂ်းယူႇယဝ်ႉ။ တွပ်ႇမႃးပၼ်ၵဝ်လႄႈ (ၼႆ ၶုၼ်ဢိၼ်းထၢမ်ၵႂႃႇယဝ်ႉ)
- 798-9။ ၸဝ်ႈၶုၼ်ဢိၼ်း ၶိူဝ်းမၢၵ်ႇမူပ်ႇၶူမ် ဢၼ်ၵူၼ်းႁဝ်း ဢမ်ႇၶႂ်ႈလႆႈၼၼ်ႉ မီးဢေႃႈ။ ၶႃႈၼၢင်း မီးၸႂ် ၽိူၵ်ႇၸိုၼ်ႈၶၢဝ်သႂ် ယိူင်းၸူးဝႃႈ တေလူႇတၢၼ်းပၼ် တမ်ႈတီႈ ထၢတ်ႈသရီရၸဝ်ႈၼႆသေ လႆႈၵႂႃႇပိတ်းဢဝ်မႃး မွၵ်ႇ ၶိူဝ်းမၢၵ်ႇမူပ်ႇၶူမ် သီႇလူင်ႇဢေႃႈ။ ၸွမ်းတၢင်း ၶႃႈၼၢင်း ဢမ်ႇဝႆႉသတိ ၽုင်ဝူဝ်းမႄႈ ဢၼ်တေမႃးပဵၼ်(ၶဵၼ်) တမ်ႈတီႈ ၶႃႈၼၢင်းၼၼ်ႉၶႃႈ။
- 800။ ၼႂ်းၽုင်ဝူဝ်းၼၼ်ႉ ဝူဝ်းမႄႈလုၵ်ႈဢွၼ်ႇတူဝ်ၼိုင်ႈ ၸင်ႇမႃးတေႃးသႂ်ႇ ၶႃႈၼၢင်းတၢႆပႅတ်ႈ ၽွင်းမိူဝ်ႈ ပႆႇတၼ်းထိုင် တမ်ႈတီႈထၢတ်ႈၼၼ်ႉယဝ်ႉ။ သင်ဝႃႈ ၶႃႈၼၢင်းလႆႈၵႂႃႇလူႇတၢၼ်း တၢင်းလူႇၶႃႈ ၸွမ်းၼင်ႇၵၢင်ၸႂ်မီးသေ လႆႈၵႂႃႇလူႇတၢၼ်း တမ်ႈတီႈ ထၢတ်ႈၼၼ်ႉၸိုင် ၽွၼ်းလီမၼ်း တေယႂ်ႇၼမ်တွၼ်း လိူဝ်ၼႆႉၵွၼ်ႇဢေႃႈ။
- 801။ ၸဝ်ႈၶုၼ်ဢိၼ်း ဢၼ်ႁိၵ်ႈၸိုဝ်ႈဝႃႈ မႃႇၶ ဢၼ်မျၢတ်ႈထွတ်ႈလိူဝ် ၽီတင်းလၢႆတီႈၶႃႈ... ယွၼ်ႉပိူဝ်ႈ ၽွၼ်းလီ (ၵၢင်ၸႂ် ဢၼ်ၶႂ်ႈၵႂႃႇလူႇတၢၼ်း မွၵ်ႇၼၼ်ႉၵူၺ်း) ၶႃႈၼၢင်း လႆႈဝၢင်းၸုၼ်ႉပႅတ်ႈ ၶၼ်ႇထႃႇၵူၼ်းသေ လႆႈမႃး ၶဝ်ႈပဵၼ် မူႇၸုမ်းၸဝ်ႈၶုၼ်ဢိၼ်းႁဝ်းၶဝ် တီႈၶႃႈယဝ်ႉဢေႃႈ (တွပ်ႇၵႂႃႇ ၼင်ႇၼႆယဝ်ႉ)။
- 802။ ပေႃးဝႃႈ ၸဝ်ႈၶုၼ်ဢိၼ်း ဢၼ်မျၢတ်ႈလွၼ်ႇတွၼ်းလိူဝ်ၽီတင်းၸိူဝ်း ဢၼ်ႁိၵ်ႈၸိုဝ်ႈဝႃႈ ၶုၼ်မႃႇၶ ၼၼ်ႉ ၶႂ်ႈႁႂ်ႈၽီတႃႇဝတိမ်ႇသႃႇၶဝ် ၼပ်ႉယမ်ၵုၼ်းမုၼ် ရတၼႃႇသၢမ်ပိူင်လႄႈ ၸင်ႇႁွင်ႉၶုၼ်ၽီမႃႇတလိမႃးသေ လၢတ်ႈၵႂႃႇၼင်ႇၼႆယဝ်ႉ။
- 803။ ၶုၼ်ၽီမႃႇတလိ... ၽွၼ်းလီၵုသူဝ်ႇ ဢၼ်လၢၵ်ႇလၢႆး လီဢၢမ်းၼင်ႇၼႆၼႆႉ ႁႃတူၺ်းလူး။ ပိၵ်ႉသမ်ႉ ၶူဝ်းလူႇဢွၼ်ႇ မီးဢိတ်းၼိုင်ႈၵူၺ်းသေတ တၢင်းလီဢၼ်ႁဵတ်းၵႂႃႇၼၼ်ႉ ၽွၼ်းလီမၼ်း ယႂ်ႇမႃႈၵႃႈသုင်တႄႉယဝ်ႉ။
- 804။ တမ်ႈတီႈ မုၼ်ၶမ်းၽြႃႈ ဢၼ်မႃးၸွမ်းၼင်ႇ သဵၼ်ႈတၢင်း ၽြႃးၸိူဝ်းပူၼ်ႉၵႂႃႇၼၼ်ႉလႄႈသင်၊ လုၵ်ႈႁၵ်ႉတပႄးၽြႃး ဢၼ်ပဵၼ် သင်ႇၶႃႇၸဝ်ႈၶဝ်ၼၼ်ႉလႄႈသင် မီးၸႂ်ၽိူၵ်ႇၸိုၼ်ႈၶၢဝ်သႂ်သေ သင်လႆႈဢဝ် တႃႇၼ လူႇတၢၼ်းၼႆၸိုင် ဢၼ်ဢေႇဢၼ်ဝႃႈၼၼ်ႉ ဢမ်ႇမီး။
- 805။ ၶုၼ်ၽီ မႃႇတလိ မႃးလႄႈ။ ၸိူဝ်းႁဝ်းၵေႃႈ ဢွၼ်ၵၼ်ၵႂႃႇဝႆႈသႃ ပူႇၸေႃႇ တွၼ်းလိူဝ် တမ်ႈတီႈ ထၢတ်ႈၵႅဝ်ႈမုၼ်ၶမ်းၽြႃးၼၼ်ႉတႃႉ။ ႁဵတ်းတၢင်းလီၼႆႉ လႆႈသိူဝ်းသႃႇယဝ်ႉ။
- 806။ တမ်ႈတီႈ မုၼ်ၶမ်းၽြႃး ဢၼ်တိုၵ်ႉမီးသၢႆၸႂ်ယူႇၼၼ်ႉလႄႈသင်၊ တမ်ႈတီႈ မုၼ်ၶမ်းၽြႃး ဢၼ်ၶဝ်ႈ ၼိပ်ႉပၢၼ်ႇၵႂႃႇၼၼ်ႉလႄႈသင် သင်မီး ၼမ်ႉၸႂ်ၽဵင်ႇပဵင်းၵၼ်ၸိုင် ၽွၼ်းလီမၼ်း တၵ်းပၼ်ၽဵင်ႇပဵင်းၵၼ်ယဝ်ႉ။ သတ်ႉတဝႃႇၶဝ်ၼႆႉ ယွၼ်ႉပိူဝ်ႈ ဝႆႉၸႂ်လီလႄႈ ၸင်ႇလႆႈၵႂႃႇႁွတ်ႈတီႈလီ သုၵတိယဝ်ႉ။
- 807။ မုၼ်ၶမ်းၽြႃးၶဝ်ၸဝ်ႈၼႆႉ ပဵၼ်ၽြႃးမႃး ပုၼ်ႈတႃႇ ၽွၼ်းလီ ပိူၼ်ႈတင်းၼမ်ယဝ်ႉ။ တၵႃႇၸိူဝ်းၼၼ်ႉ ပေႃးဝႃႈ လႆႈပူႇၸေႃႇသၵ်ႉၵႃႇရ မုၼ်ၶမ်းၽြႃးၸိုင် လႆႈႁွတ်ႈထိုင် မိူင်းၽီယဝ်ႉ။ (ၼႆ ၸဝ်ႈၶုၼ်ဢိၼ်းလၢတ်ႈၵွႃႇယဝ်ႉ)။
ပီတ ဝိမႃၼဝတ်ထု ႁူဝ်ၵဝ်ႈ သုတ်းယဝ်ႉ။
ၽိုၼ်ဢိင်
မႄးထတ်း- ↑ ၶုၻ်ၻၵ ၼိၵႃယ၊ ဝိမႃၼဝတ်ထုပႃႇလိၸဝ်ႈ၊ မၺ်ꩡိꩦ်ꩧၵဝၷ်၊ ပီတ ဝိမႃၼဝတ်ထု